பெரியார் பாசறை

கூடங்குளம் அணுமின் நிலையத்தை மூடக் கோருவதற்கான காரணங்கள்

2011-09-29T03:43:00.000-07:00

1. கூடங்குளம் அணுமின் நிலையங்கள் 1, 2 உள்ளூர் மக்களை கலந்தாலோசிக்காது, ஜனநாயக, மனித உரிமை மரபுகளை மீறி கட்டப்படுகின்றன. 1, 2 உலைகளுக்கான சுற்றுச் சூழல் தாக்க அறிக்கை மக்களோடு பகிர்ந்து கொள்ளப்படவில்லை. கருத்துக் கேட்பு கூட்டம் நடத்தப்படவில்லை. 1, 2 உலைகள் அமைக்கப்பட்டிருக்கும் தலங்கள் பற்றிய ரஷ்ய விஞ்ஞானிகளின் ஆதங்கங்கள் மூடி மறைக்கப்பட்டதோடு, தல ஆய்வறிக்கை (Site Evaluation Study) மக்களுக்கு தரப்படவில்லை. பாதுகாப்பு ஆய்வறிக்கையும் (Safety Analysis Report) பொதுமக்களுக்கு, மக்கள் பிரதிநிதிகளுக்கு, பத்திரிகையாளர்களுக்கு அளிக்கப்படவில்லை. இப்படி மக்களுக்கு எந்தத் தகவலும் தராமல், உண்மைகளைச் சொல்லாமல், ஜனநாயக மரபுகளை மீறி நிறைவேற்றப்படுவது ஏற்றுக் கொள்ளப்பட முடியாதது.

2. தமிழ்நாடு அரசின் அரசாணை எண். 828 (29.4.1991 – பொதுப் பணித் துறை) அணுமின் நிலையத்தி லிருந்து 2 கி.மீ. தூரத்திற்குள் அணுமின் கட்டிடங் களைத் தவிர வேறு எதுவும் இருக்கக் கூடாது என்றும், 2 முதல் 5 கி.மீ. சுற்றளவிலான பகுதி நுண்ம ஒழிப்பு செய்யப்பட்ட பகுதியாக (Sterilization zone) இருக்கும் என்றும் சொல்கிறது. வீடுகளோ, மனிதர்களோ இருக்கக் கூடாது என்பதை நேரடியாகக் குறிப்பிடாமல், திசை திருப்பும் வார்த்தைகள் உபயோகப்படுத்தப்பட் டுள்ளன. அரசின் உண்மை நிலை என்ன என்பதை தெளிவாக தெரிவிக்கவில்லை.

அ. aerb எனும் அணுசக்தி ஒழுங்காற்று வாரியத்தின் விதிமுறைகள் படி 5 கி.மீ. சுற்றளவுக்குள் 20000 பேருக்கு மேல் வசிக்கக் கூடாது. அணுமின் நிலையத்திலிருந்து 10 கி.மீ. சுற்றளவுக்குள் 10,000-த்திற்கு அதிகமான மக்கள் வாழும் ஊர்கள் இருக்கக் கூடாது. ஆனால் கூடங்குளம் அணுமின் நிலையத்தை சுற்றியுள்ள 3 கி.மீ. தூரத்திற்குள்ளேயே கூடங்குளம் கிராமத்தில் 20,000 மக்களும், இடிந்தகரை கிராமத்தில் 12,000 மக்களும், காசா நகரில் 450 குடும்பங்களும் வசிக்கிறார்கள்.

ஆ. 10 கி.மீ. சுற்றளவுக்குள் மாநிலத்தின் சராசரி மக்கள் அடர்த்தியின் மூன்றில் இரண்டு பங்குக்கு குறைவாகவே மக்கள் தொகை இருக்க வேண்டும். ஆனால் மாநில சராசரியைவிட மிக அதிகமான மக்கள் இந்த பகுதியில் நெருக்கமாக வாழ் கிறார்கள்.

இ. 30 கி.மீ. சுற்றளவுக்குள் 1,00,000-க்கும் அதிகமான மக்கள் வாழும் நகரங்கள் இருக்கக் கூடாது. ஆனால் 2,00,000 மக்கள் வாழும் நாகர்கோவில் நகரம் 29 கி.மீ. தூரத்திற்குள் இருக்கிறது.

ஈ. 20 கி.மீ. சுற்றளவுக்குள் சுற்றுலாத் தலங்களோ, சரித்திர பிரசித்தி பெற்ற இடங்களோ இருக்கக் கூடாது என்று aerb சொன்னாலும், உலக பிரசித்திப் பெற்ற கன்னியாகுமரி 15 கி.மீ. சுற்றளவுக்குள் இருக்கிறது.

இப்படி கூடங்குளம் அணுமின் நிலையத்தி லிருந்து 30 கி.மீ. சுற்றளவுக்குள் 10 லட்சத்திற்கும் அதிக மான மக்கள் வசித்து வரும் நிலையில் எங்களை வெளியேற்றுவதோ, பாதுகாப்பான இடங்களுக்கு அப்புறப்படுத்துவதோ, எங்களுக்குத் தேவையான இருப்பிட வசதிகளை செய்வதோ, மருத்துவ வசதிகள் செய்து தருவதோ, பள்ளிகள் அமைத்து தருவதோ, மாற்று வேலைகள் ஏற்படுத்திக் கொடுப்பதோ கற்பனையில்கூட நடக்காத காரியம் 2004 டிசம்பர் சுனாமியில் மத்திய மாநில அரசினர் கொண்டிருந்த பேரிடர் மேலாண்மையை நாடே அறியும்.

3. அணுஉலைக் கட்டிடங்களின், குழாய்களின் மோசமான தரம், கட்டிடம் கட்டியதை உடைத்து மீண்டும் கட்டுவதான திருவிளை யாடல்கள், உள்ளூர் கான்டிராக்டர்களின் கைங் கரியங்கள், ரஷ்யாவில் இருந்து தாறுமாறாகவும் தலை கீழாகவும் வந்த உதிரி பாகங்கள், நிர்வாக குழப்பங்கள், குளறுபடிகள் என அடிவயிற்றை புரட்டிப் போடும் தகவல்கள், அனு தினமும் வந்து கொண்டே இருக்கின்றன. 26.9.2006 அன்று அப்போதைய குடியரசுத் தலைவர் அப்துல்கலாம் கூடங்குளம் அணுமின் நிலையத்திற்கு வருகை தந்தார். அணுசக்தித் துறை உயர் அதிகாரிகளோடு அவர் நின்று கொண்டிருந்தபோது கூரையில் இருந்து ஊழியர் ஒருவர் ஓரிரு அடி தூரத்தில் பொத்தென்று விழுந்து அனைவரையும் கதிகலங்கச் செய்தார். குடியரசுத் தலைவர் வந்த போதே இந்த நிலை என்றால், குடிமக்களுக்கு என்ன நிலை?

4. உலைகளை குளிர்விக்கும் சூடான கதிர்வீச்சு கலந்த தண்ணீரையும், உப்பகற்றி ஆலைகளில் இருந்து வெளி வரும் உப்பு, சேறு, ரசாயனங் களையும் கடலில் கொட்டி, ஊட்டச் சத்து மிகுந்த கடல் உணவையும் விஷமாக்கப் போகிறோம். உணவு பாதுகாப்பு கேள்விக்குறியாகும். மீனவர் களின், விவசாயிகளின் வாழ்வுரிமையும், வாழ்வாதார உரிமைகளும் முற்றிலுமாக அழிக்கப்படும். விபத்துக்களோ, விபரீதங்களோ நடக்கவில்லை என்றாலும், அணு உலைகளில் இருந்து அனுதினமும் வெளியாகும் கதிர்வீச்ச நச்சுப் பொருள்களை உண்டு, பருகி, சுவாசித்து, தொட்டு அணுஅணுவாய் சிதைந்து போவோம்.

5. பேரிடர்கள் வராது, நடக்காது, என்று தரப்படும் வெற்று வாக்குறுதிகளை ஏற்க முடியாது. 2003 பிப்ரவரி 9 ஆம் தேதி இரவு 9.45 மணி அளவில் திருநெல்வேலி மாவட்டம், பாளையங் கோட்டையில் ஒரு மெலிதான நில நடுக்கம் ஏற்பட்டது. 2006 மார்ச் 19 ஆம் தேதி மாலை 6.50 மணிக்கு கூடங்குளத்தை சுற்றியுள்ள கன்னக் குளம், அஞ்சு கிராமம், அழகப்பபுரம், மயிலாடி, சுவாமி தோப்பு போன்ற கிராமங்களில் நில அதிர்வு உண்டானது. வீடுகளின் சுவர்களிலும், கூரைகளிலும், கீறல்களும், விரிசல்களும் தோன்றின. இரண்டு நாட்கள் கழித்து மார்ச் 21 ஆம் தேதி கரூர் மாவட்டத்தில் அதிகாலை 1.30 மணிக்கும், 5.00 மணிக்கும் நில அதிர்வுகள் உண்டாகின. 2011 ஆகஸ்ட் முதல் வாரத்தில் தமிழகத்தின் 7 மாவட்டங்களில் நிலநடுக்கம் நடந்திருக்கிறது. மார்ச் 11, 2011 அன்று நடந்த புகுஷிமா விபத்தினால் அமெரிக்க அணு உலைகள் ஜப்பானின் மேலாண்மை இருந்த பிறகும் வெடித்து கதிர்வீச்சை உமிழ்ந்திருக் கின்றன. கூடங்குளம் அணுமின் நிலையம் 2004 டிசம்பர் சுனாமிக்கு முன்பே கட்டப்பட்ட நிலையில் அனைத்து பாதுகாப்பு ஏற்பாடுகளும் செய்யப்பட்டிருப்பதாக அணுசக்தித் துறை சொல்லும் வாதங்கள் உண்மைக்கு புறம்பானவை.

6. அணுமின் நிலையங்கள் மீதான தீவிரவாத அச்சுறுத்தல் பற்றி பாரத பிரதமரே அவ்வப் போது எச்சரித்து வருகிறார். ஆகஸ்டு 18, 2011 தேதியிட்ட ‘இந்தியன் எக்ஸ்பிரஸ்’ செய்தியில் உள்துறை துணை அமைச்சர் முல்லப் பள்ளி ராமச்சந்திரன் அணுமின் நிலையங்கள் பயங்கரவாத குழுக்களின் முக்கிய இலக்குகளாக இருக்கின்றன என்கிறார்.

7. 2007 பிப்ரவரி மாதம் அப்போதைய தமிழக மின்துறை அமைச்சர் ஆற்காடு வீரசாமி கூடங்குளம் அணுமின் நிலையத்தை சுற்றி வசிப்பவர்களுக்கு இலவச குழுக் காப்பீட்டு திட்டம் செயல்படுத்தப்படும் என்று அறிவித்தார். சுமார் 1 வருடத்திற்கு முன்னாள் இந்திய அணுமின் கழகமும், இந்தியாவுக்கு அணு உலைகள் வழங்கும் ஆட்டம்டஸ்ட்ராய் எக்ஸ்போர்ட் என்னும் ரஷ்ய நிறுவனமும் இழப்பீடு குறித்த பேச்சுவார்த்தையில் ஈடுபட்டனர். ரஷ்யா வழங்கும் உலைகளில் ஏதேனும் விபத்துக்கள் நிகழ்ந்தால், நஷ்ட ஈடு வழங்க வேண்டும் என இந்தியா கேட்க, அந்த மாதிரியான உடன் படிக்கைக்கு ஒப்புக் கொள்ள முடியாது. உலைகளை இயக்குகின்ற இந்திய அணுமின் கழகமே முழுப் பொறுப்பு ஏற்க வேண்டும் என ரஷ்யா கையை விரித்தது. 2008 ஆம் ஆண்டு ரகசியமாக கையெழுத்திடப்பட்ட இரு நாட்டு உடன்படிக்கை ஒன்றின் 13 ஆவது சரத்து இதைத் தெளிவாக எடுத்துரைக்கிறது என்று சொல்கிறது ரஷ்யா. போபால் விஷவாயுக் கசிவில் பாதிக்கப்பட்ட மக்கள் 25 ஆண்டுகள் கழித்தும் இன்னும் இழப்பீடுகள் பெறாமல், எந்தவிதமான உதவிகளும் கிடைக்காமல் வதைப்பட்டுக் கொண்டிருப்பது மொத்த இந்தியாவுக்கே, உலகத்திற்கே தெரியும்.

8. அணுஉலை கழிவு ஒரு பெரிய பிரச்சினை. கூடங்குளம் அணுமின் நிலைய கழிவு ரஷ்யாவுக்கு எடுத்துச் செல்லப்படும் என்று தான் முதலில் ஒப்பந்தம் செய்யப்பட்டது. பின்னர் அது இந்தியாவிலேயே மறு சுழற்சி செய்யப்படும் என்றும், கூடங்குளத்திலேயே அதற்கான உலை நிறுவப்படலாம் எனவும் தெரிவித்தனர். கூடங்குளம் அணுஉலைகள் வருடத்திற்கு சுமார் 30 டன் யுரேனியத்தை உபயோகிக்கும், ஏறத்தாழ 30 ஆண்டுகள் இயங்கும்போது 900 டன் கழிவு வெளியாகும். பயங்கரமான கதிர்வீச்சை வெளியிடும் இந்த கொடிய விஷத்தை 24000 ஆண்டுகள் நாம், நமது குழந்தைகள், நமது பேரக் குழந்தைகள் அவரது வழித் தோன்றல்கள் போற்றிப் பாதுகாக்க வேண்டும். அபாயகரமான இந்தக் கழிவுகளை தேக்கி வைத்திருப்பதாலும், மறு சுழற்சி செய்வதாலும் நிலத்தடி நீரும், காற்றும் பாதிக்கப்படும். நமது விளை நிலங் களும், பயிர்களும், கால்நடைகளும் பாதிக்கப் படும். அவற்றில் இருந்து பெறப்படுகின்ற பால், காய்கறிகள், பழங்கள் விஷ உணவுகளாக மாறும். அணு உலைகளை குளிர்விக்கும் கதிர்வீச்சு கலந்த நீர் கடலுக்குள் விடப்படுவதால் கடல் நீர் வெப்ப நிலை அதிகரித்து கதிர்வீச்சால் நஞ்சாக்கப்பட்டு மீன் வளம் பாதிக்கப்படும். மீனவ மக்கள் ஏழ்மைக்குள்ளும், வறுமைக்குள்ளும் தள்ளப்படு கிறார்கள். மீனவ மக்களின், மற்றும் உள்ளூர் மக்களின் கடல் உணவு விஷமாகும்போது நமது உணவு பாதுகாப்பு அழிக்கப்படும். அணுஉலை யின் புகை போக்கிகளில் இருந்து வருகின்ற நீராவி, புகை மூலமும், கடல் தண்ணீர் மூலமும் அயோடின் 131, 132, 133, சீசியம் 134, 136, 137 ஐசோடோப்புகள், ஸ்ட்ராண்டியம், டீரிஷியம், டெலூரியம் போன்ற கதிர்வீச்சு பொருட்கள் நமது உணவில், குடிதண்ணீரில், சுவாசத்தில், வியர்வையில் கலந்து அணு அணுவாக வதைப்படு வோம். நமது குழந்தைகள், பேரக் குழந்தைகள் இந்த விஷத்தை கொஞ்சம், கொஞ்சமாக நீண்ட நாட்கள் உட்கொண்டு புற்றுநோய், தைராய்டு நோய் போன்ற கொடிய நோய்களுக்கு ஆளாகி உடல் ஊனமுற்ற, மனவளர்ச்சியற்ற குழந்தைகளைப் பெற்று பரிதவிப்பார்கள்.

9. 1988 ஆம் ஆண்டு கூடங்குளம் அணுமின் திட்டத் திற்கு (முதல் இரண்டு உலைகளுக்கு) 6000 கோடி ரூபாய் செலவாகும் என்றார்கள். ஆனால் 1997 ஏப்ரல் மாதம் இந்தத் திட்டத்தின் துவக்க மதிப்பீடே 17000 கோடி ரூபாயாகும் என்று சொன்னார்கள். 1998 நவம்பர் மாதம் கூடங்குளம் அணுமின் நிலையங்கள் 2006 ஆம் ஆண்டு இயங்கும் என்றும், 15500 கோடி ரூபாய் செலவாகும் என்றும் விளக்கமளித்தார்கள். 2001 ஆம் ஆண்டு பொருளாதார விவகாரங்களுக்கான அமைச்சர் குழு இந்தத் திட்டத்தின் மொத்தச் செலவு 13,171 கோடி எனவும், இந்திய அரசு 6755 கோடி முதலீடு செய்ய, ரஷ்யா மீதமிருக்கும் தொகையை 4 சதவீதம் வட்டியில் வழங்கும் என்று சொன்னார்கள். முதன்முறையாக எரி பொருள் வாங்குவதற்கும், அடுத்தடுத்த 5 முறை எரிபொருள் வாங்குவதற்கும் 2129 கோடி ரூபாயில் ஒதுக்கப்பட்டது. இந்த தொகை கிட்டத்தட்ட ரஷ்ய அரசின் கடனுதவியாகவே இருக்கும் என்று அறிவிக்கப்பட்டது. 10 வருடங்கள் கழிந்த நிலையில் இன்றைக்கு எவ்வளவு செலவாகும் என்பதை நாம் ஊகித்துக் கொள்ள முடியும். நமது குழந்தைகளை கடனாளிகளாக ஆக்கும் திட்டம் நமக்கு வேண்டாம்.

10. நமது நாட்டை விட எத்தனையோ மடங்கு வளர்ச்சி அடைந்த, தொழில் வளமிக்க ஜெர்மனி 2022 ஆம் ஆண்டுக்குள் அனைத்து அணுஉலை களையும் மூடிவிட முடிவெடுத்திருக்கிறது. நோய்வாய்ப்பட்டு அமெரிக்காவில் உள்ள ஸ்லோன் கெட்டரிங் புற்றுநோய் மருத்துவமனையில் சிகிச்சைப் பெற்று வருவதாக சொல்லப்படும் திருமதி சோனியா காந்தி பிறந்த நாடான இத்தாலியில் அண்மையில் நடத்தப்பட்ட வாக்கெடுப்பில் 90 சதவீத மக்கள் அணு உலைகள் வேண்டவே வேண்டாம் என முடிவெடுத்திருக் கிறார்கள். ஸ்விட்சர்லாந்து, மெக்சிகோ போன்ற நாடுகள் அணுஉலைகளை மூடிவிட முடிவெடுத்திருக்கின்றன. புகுஷிமா விபத்து நடந்த ஜப்பான் நாட்டிலே கட்டப்பட்டு கொண்டிருக்கும் 10 அணு உலைகளை நிறுத்திவிட்டனர். 28 பழைய உலைகளை மூடிவிட்டனர்.

நமது நாட்டிலேயே மேற்கு வங்காள மாநிலத்தின் முதல்வர் மம்தா பேனர்ஜி அரசு ஹரிப்பூர் என்னும் இடத்தில் ரஷ்ய உதவியுடன் கட்டப்படவிருந்த அணுஉலைத் திட்டத்தை நிராகரித்துவிட்டு, மாநிலத்தின் எந்தப் பகுதிகளிலும் அணுஉலைகள் அமைக்க மாட்டோம் என்று அறிவித்திருக்கிறது. நமது அண்டை மாநிலமான கேரளாவில் அணு உலைகள் வேண்டவே வேண்டாமென்று அனைத்து கட்சிகளும் ஒருங்கே நின்று எதிர்க்கின்றன.

“கருப்பான, அழுக்கான தமிழர்கள்” என்று நம்மை வருணித்திருக்கும் ஓர் அமெரிக்க தூதர் சொல்வது போல நம்மை இந்திய அரசும் இழிவாக பார்க்கிறதோ என்னும் அச்சமும், சந்தேகமும் மனதில் எழுகின்றன.

இறுதியாக, ஒரு சில கேள்விகள் சிந்திக்கத் தூண்டுகின்றன.

மக்களுக்காக மின்சாரமா அல்லது மின்சாரத்திற்காக மக்களா?

ரஷ்யா, அமெரிக்க, பிரெஞ்சு நாட்டுக் கம்பெனிகளின் லாபம் முக்கியமா அல்லது இந்திய மக்களின் உயிர்களும், எதிர்காலமுமா?

அணுசக்திக்கு எதிரான மக்கள் இயக்கம்.

அணுமின் நிலையங்களுக்கு உலகம் முழுதும் எதிர்ப்பு

ஜப்பான் நாட்டில் சுனாமி தாக்குதலைத் தொடர்ந்து ஃபுக்குஷிமா அணுமின் ஆலை வெடித்தது. அதன் பிறகு உலகம் முழுதும் அணுமின்நிலையங்களுக்கு எதிர்ப்பு வலுத்து வருகிறது. ஆனால், இந்தியாவும் சீனாவும் அணுமின் நிலையங்களையே உறுதியாகப் பிடித்துக் கொண்டிருக்கின்றன.

• உலகம் முழுதும் 432 அணுமின் நிலையங்கள் உள்ளன. ஆனால், உலக மின்சார உற்பத்தியில் இதன் பங்கு 15 சதவீதம் மட்டுமே.

• தற்போது உலகில் 66 அணுமின் நிலையங்கள் அமைக்கப்பட்டு வருகின்றன. இவற்றில் 27 சீனாவில், 11 இந்தியாவில்.

• அணு சக்திகளைப் பயன்படுத்தும் நாடுகளின் எண்ணிக்கை 26.

• அமெரிக்காவில் மொத்த மின்சார உற்பத்தியில் அணு மின்சாரத்தின் பங்களிப்பு 20 சதவீதம். ஆனால் ஒபாமா, அணுமின் நிலையத் திட்டங்களைக் கொண்டு வருவதில் தீவிரம் காட்டுகிறார்.

• 2022 ஆம் ஆண்டுக்குள் அனைத்து அணுமின் நிலையங்களையும் மூடிவிட ஜெர்மன் முடிவு செய்துள்ளது.

• இத்தாலியில் நடத்தப்பட்ட வாக்கெடுப்பில் மக்கள் அணுமின் நிலையத்துக்கு எதிராக வாக்களித்துள்ளனர்.

• 2034 ஆம் ஆண்டுக்குள் படிப்படியாக அணுமின் நிலையங்களை மூட சுவிட்சர்லாந்து முடிவு செய்துள்ளது.

• ஜப்பான் நாடு – அணுமின் உற்பத்தியை சார்ந்திருப்பதைக் குறைத்துக் கொள்ளப் போவதாக கூறியுள்ளது.

View the Original article

மரண தண்டனைக்கு எதிரான எழுத்தாளர்கள், கலைஞர்கள் அறிக்கை

2011-09-05T06:27:00.000-07:00

ராஜீவ் காந்தி கொல்லப்பட்ட வழக்கில் மூன்று தமிழர்களுக்கு இப்போது அறிவிக்கப்பட்டு இருக்கின்ற மரண தண்டனை,இன அடிப்படையில் ஆனது என்றால்,மத்தியில் அஃப்சல் குருவிக்கு வழங்கப்பட்டு இருக்கிற மரண தண்டனை மத அடிப்படையில் ஆனது.இன்றைக்கு இருக்கும் சட்டங்கள் எல்லாம் செல்வந்தர்களுக்கு சாதகமானதாகவே இருக்கின்றன.பணம் படைத்தவனுக்குதான் நீதி; கை ஏந்துபவனோ நிர்க்கதியில் தான்.சமூகத்தில் கீழ்த்தட்டில் இருப்பவனைக் காக்க வேண்டிய சட்டமே.அவனை அழித்து,ஒழிக்கும் முயற்சியில் இறங்குகிறது.

இன்றைக்கு மரண தண்டனைக் கைதிகளைப் பாருங்கள்….. அவர்கள் நசுக்கப்பட்ட இனத்தை சார்ந்தவர்களாகத்தான் இருப்பார்கள்.மாறாக,ஒரு பணக்காரரை உங்களால் சுட்டிக்காட்ட முடியுமா?அல்லது இதுவரை எந்த ஒரு பணக்காரராவது தூக்குமேடை ஏறி இருப்பாரா?

நமது சட்டங்கள் ஒரு வகையில் பண்ணையார் தத்துவத்தையே நியாயப்படுத்துகின்றன.ஒரு சிவில் வழக்கில் தனிநபர் ஒருவர் இன்னொரு தனி நபருடன் வாதாடலாம்.ஆனால் கிரிமினல் வழக்குகளிலோ தனிநபர் ஒருவருக்கு எதிராக,அரசுத்தரப்பு வழக்கறிஞர் வாதாடுவார்.அதாவது,ஒவ்வொரு குற்ற வழக்கும் போலீசால் பதிவு செய்யப்பட்டு,அரசு தனக்கு எதிரானவரை எதிர்க்க வழக்கறிஞர் ஒருவரை நியமிக்கிறது.வழக்கில் ஒவ்வொரு நகர்வையும் போலீசுதான் தீர்மானிக்கிறார்கள்.வாக்குமூலம் பெறுவதிலேயே எவ்வளவு வன்முறைகளைப் பிரயோகிக்கிறார்கள் என்பது நாம் அறிந்ததுதானே?

’அரிதிலும்,அரிதான’ குற்றங்களில் தான் மரண தண்டனை வழங்கப்படுகிறது என்கிறார்கள்.போலீசாரால் என்கவுன்ட்டர் என்ற பெயரில் பலர் சாகடிக்கப்படிகிறார்களே…..அதுவும் கூட ’அரிதிலும் அரிதானது’ தானே? ஆக சட்டத்துக்கு புறம்பாக போலீசார் கொலை செய்தால்,அது என்கவுன்ட்டர்கள்.அதையே நியாயப்படி செய்ய வேண்டும் என்றால்,அதற்குப்பெயர் மரண தண்டனை.இது தான் உங்கள் நீதி?

பண்டைய கிரேக்க,எகிப்திய நாடுகளில் இருந்த அடிமைகள் அந்த நாட்டின் குடிமகன்களாக அங்கிகரிக்கப்படவில்லை.அவர்களின் உரிமையாளர்கள் மட்டுமே குடிகளாக அங்கிகரிக்கப்பட்டார்கள்.உரிமையாளர்களுக்கு மட்டுமேதான் சட்டம்,நீதி,நியாயம்,தீர்ப்பு எல்லாம்…………………அடிமைகளுக்கு எப்போதும் மரணம் ஒன்றுதான்.தண்டனையாகவும்,தீர்ப்பாகவும்,நியாயமாகவும்,நீதியாகவும் அவர்களுக்கே இருந்து வந்ததிருக்கிறது.இன்றைக்கு நிராகரிக்கப்பட்டு இருக்கிற கருனை மனுக்களைக் குறித்து நாம் எண்ணிப்பார்க்கையில்,ஒருவகையில் நாம் எல்லோரும் இந்த நாட்டில் அடிமைகள் தானோ?

சாமன்யன் செய்த குற்றம் ஒன்றுக்கு மரண தண்டனை வழங்குவதன் மூலம் சட்டம் இன்னொறு குற்றம் செய்வது எப்போதும் சமமாகாது;நீதியும் ஆகாது

நன்றி:விகடன் குழுமம்

View the Original article

கொளத்தூர் மணி தலைமையில் சென்னையில் வெளியிடப்பட்ட முள்ளிவாய்க்கால் சாட்சி புத்தகம் [படங்கள்]

2011-09-04T21:56:00.000-07:00

கொளத்தூர் மணி தலைமையில் சென்னையில் வெளியிடப்பட்ட முள்ளிவாய்க்கால் சாட்சி புத்தகம் [படங்கள்]

சென்னையில் கடந்த 04.09.11 அன்று 'முள்ளிவாய்க்கால் சாட்சி' என்ற புத்தகம் வெளியிடப்பட்டது. புத்தக வெளியிட்டு விழா திரு அன்பரசன் தீனதயாளன் மற்றும் எழில் சுரேசு அவர்களின் திருமண நிகழ்வோடு சேர்ந்து நடைபெற்றது. நோர்வேயிலும் லண்டனிலும் ஏற்கனவே வெளியிடப்பட்ட இப்புத்தகத்தை தமிழகத்தில் மருத்துவர் ... மேலும்>>

தங்களையே அழித்துக்கொள்ளும் முறையை தொடர வேண்டாம்: பெரியார் திக தலைவர் கொளத்தூர் மணி அறிக்கை

ஈழத்தமிழர் உரிமைப்பார்வையில் போர்க்குற்றவாளிகளைத் தண்டிக்க தமிழக மக்களும் தமிழக அரசும் வலியுறுத்தி வந்த நிலையில், தமிழர் உணர்வுகளை உதாசீனப்படுத்தியதல்லாமல் மனிதமே அதிர்கிற வகையில் 20 ஆண்டுகளுக்கு மேலாக சிறையில் கழித்துவரும் பேரறிவாளன், சாந்தன், முருகன் ஆகியோருக்கு மரணதண்டனையை நிறைவேற்ற மைய அரசு ... மேலும்>>

மரணதண்டனையை ஒழிப்போம்! நூல் அறிமுகம்

பேரறிவாளன், சாந்தன், முருகன் ஆகியோரின் மரணதண்டனை குறித்து கொளத்தூர் மணி அவர்களின் அறிக்கையும், விடுதலை இராசேந்திரன், தமிழச்சி தங்கப்பாண்டியன் ஆகியோரின் கட்டுரைகளும் அடங்கிய சிறுநூல். பெரியார் திராவிடர் கழக வெளியீடு. தொகுப்பு: விடுதலை க. இராசேந்திரன் நன்கொடை ரு 5.00 நூல்கள் கிடைக்குமிடங்கள் - பெரியார் படிப்பகம் பேருந்து ... மேலும்>>

பெரியார் திராவிடர் கழகப் பிரச்சாரக் கட்டமைமைப்பு நிதி: கொளத்தூர் மணி முக்கிய வேண்டுகோள்

பெரியாரியலுக்கு அடிப்படை ஆவணங்களான குடிஅரசு, புரட்சி, ரிவோல்ட், பகுத்தறிவு இதழ்களைத் தேடித் தேடி தொகுத்து குடி அரசு தொகுப்பு நூல்களாக வெளியிட்டோம். சட்டப் போராட்டம் நடத்தி பெரியாரின் கருத்துக் கருவூலங்களை மக்கள் சொத்தாகவும் மாற்றிவிட்டோம். நண்பர்களின் கணினிகள், ஆதரவாளர்களின் அச்சகங்கள், தாள் விற்பனை ... மேலும்>>

இந்தியா உருவானது எப்படி? – விடுதலை க.இராசேந்திரன்

ஆங்கிலேயர்கள் இந்தியா வருவதற்கு முன், இப்போது இருக்கும் இந்தியா என்ற நாடு இருந்ததா என்ற கேள்விக்கு, இல்லை என்பதே எல்லோருக்கும் தெரிந்த பதில். வட இந்தியாவை எடுத்துக் கொணடால், அதன் 1800 ஆண்டு வரலாற்றில், ஒரே பகுதியாக இருந்ததாக வரலாறு கிடையாது. ... மேலும்>>கடவுளை மறமனிதனை நினை

மூவரை காக்க மக்கள் மன்ற பெண் தோழர் செங்கொடி தீக்குளித்து மரணம் [கடிதம் இணைப்பு]

2011-08-28T08:21:00.000-07:00

மூவர் உயிரைக் காப்பாற்றக்கோரி காஞ்சிபுரத்தில் 27 அகவையுடைய செங்கொடி (மக்கள் மன்றம் இயக்கத்தைச் சேர்ந்தவர்) வட்டாட்சியர் அலுவலகம் முன் தூக்குதண்டனையை இரத்து செய்யக்கோரி தீக்குளித்துள்ளார்.

பேரறிவாளன், முருகன், சாந்தன் தூக்கை ரத்து செய்யக்கோரி காஞ்சீயில் இளம்பெண் தீக்குளித்து இறந்தார். காஞ்சிபுரம் ஓரிக்கையைச் சேர்ந்தவர் செங்கொடி ( 27). இவர் மக்கள் மன்றம் இயக்கத்தில் உள்ளார்.

இன்று மாலை இவர், காஞ்சிபுரம் வட்டாட்சியர் அலுவலகம் முன்பாக பேரறிவாளன், முருகன், சாந்தன் தூக்கை எதிர்த்து முழக்கமிட்டபடி தீக்குளித்தார். மருத்துவமனைக்கு கொண்டு செல்லும் வழியில் செங்கொடி உயிரிழந்தார். இந்நிலையில் பேரறிவாளன், முருகன், சாந்தன் ஆகியோரின் உயிரை காப்பாற்ற அரசுக்கு உருக்கமான கடிதம் எழுதி உள்ளார் செங்கொடி. இந்த கடிதம் தற்போது கிடைத்துள்ளது.

21 ஆண்டுகளாக சிறையில் வாடும் மூவரின் தூக்குத்தண்டனையை ரத்து செய்ய வேண்டும் என்று கடிதத்தில் உருக்கமான வேண்டுகோள் விடுத்துள்ளார்.

முதல்வர் ஜெயலலிதா இந்த விசயத்தில் தலையிட்டு தூக்கை ரத்து செய்ய நடவடிக்கை எடுக்க வேண்டும் என்று கோரிக்கை விடுத்துள்ளார்.

இது தொடர்பாக பழ. நெடுமாறன் விடுத்துள்ள அறிக்கை :

மரண தண்டனை விதிக்கப்பட்டுள்ள 3 தமிழர்களின் உயிர்களை காக்க வேண்டும் என்ற கோரிக்கையை முன் வைத்து காஞ்சிபுரத்தில் செங்கொடி எனும் இளம் பெண் தீக்குளித்து தன்னுயிரை தியாகம் செய்த செய்தி கேட்டு அதிர்ச்சியும் அளவற்ற வேதனையும் அடைந்தேன்.

முதல்வரிடம் முறையிடுவது, நீதி மன்றத்தில் வாதாடுவது, மக்களை திரட்டிக் குரல் கொடுப்பது ஆகிய வழிகளில் நாம் இணைந்து ஒன்று பட்டுப் போராடுவதின் மூலமே மூவரின் உயிர்களை காக்க முடியும். நம்மை நாமே அழித்துக் கொள்வதின் மூலம் அதை செய்ய முடியாது என்பதை உணருமாறு அனைவரையும் வேண்டிக் கொள்கிறேன்.

3 உயிர்களை காக்கத் தொடர்ந்து போராடுவதற்கு பதில் நமது உயிர்களை அழித்துக் கொள்வது என்பது நமது நோக்கத்திற்கே முரணானதாகும். இத்தகைய செயல்களில் யாரும் ஈடுபட வேண்டாமென வேண்டிக் கொள்கிறேன்.

View the Original article

வேலூர் நோக்கிச் சென்ற இருசக்கர வாகன பேரணி

2011-08-18T04:27:00.001-07:00

பேரறிவாளன், சாந்தன், முருகன் ஆகியோரின் மரணத் தண்டனையை ரத்து செய்யக்கோரி சென்னையில் இருந்து வேலூர் நோக்கி சென்ற மோட்டார் சைக்கிள் பேரணியில் நடிகர் சத்தியராஜ், இயக்குநர் மணிவண்ணன் மற்றும் பெரியார் திராவிடர் கழக பொதுச்செயலாளர் விடுதலை க.இராசேந்திரன் மற்றும் ஏராளமான இளைஞர்கள் பங்கேற்றனர்.

ஆலந்தூர் நகராட்சி அலுவலகம் அருகே நடிகர் சத்தியராஜ் இந்த பேரணியை துவங்கி வைத்தார். சென்னை மட்டுமல்லாமல் தமிழகத்தில் பல்வேறு பகுதியில் இருந்தும் வந்த பெண்கள் உள்பட பலர் இந்த பேரணியில் பங்கேற்றனர்.

20 ஆண்டுகள் சிறையில் இருந்த மூவருக்கு மரண தண்டனையை நிறைவேற்றுவது நாகரீகம் ஆகாது என்று பேரணியில் கலந்து கொண்ட திரைப்பட நடிகரும், இயக்குநருமான மணிவண்ணன் தெரிவித்தார்.

அவர் மேலும் கூறுகையில், மரண தண்டனைக்கு எதிராக காந்தியடிகள் சொன்னதற்கு மேலாக நான் ஒன்றும் சொல்லிவிடப்போவதில்லை. நியாயம் கிடைக்க வேண்டும். அந்த இளைஞன் வாழ்க்கையில் தண்டனை குறைக்கப்பட வேண்டும். நீதி காப்பாற்றப்பட வேண்டும் என்பதில் நாங்கள் உறுதியாக இருக்கிறோம். ஆகவே நாங்கள் எங்களால் முடிந்த போராட்டங்களை செய்வோம் என்றார்.

[Show as slideshow]

View the Original article

பெரியார் திராவிடர் கழகப் பிரச்சாரக் கட்டமைமைப்பு நிதி: கொளத்தூர் மணி முக்கிய வேண்டுகோள்

2011-08-18T00:43:00.000-07:00

இந்தியா உருவானது எப்படி? – விடுதலை க.இராசேந்திரன்

பெரியார் ‘கைத்தடிகளோடு’ திரளுவோம்! – விடுதலை இராசேந்திரன்

வீட்டுக்குள் தனி மனிதர்களின் நம்பிக்கையோடு முடங்கியிருந்த விநாயகன் வழிபாட்டை வீதிக்குக் கொண்டு வந்து அரசியலாக்கின மதவெறி சக்திகள். மத நம்பிக்கையாளர்களாக இருப்பது அவரவர் தனி உரிமை. மத உணர்வுகளை மதவெறியாகக் கட்டமைத்து, சமூகத்தில் பிளவுகளையும், கலவரங்களையும் உருவாக்குவது சமூக, சட்ட விரோத செயல்பாடுகளேயாகும். ... மேலும்>>

திராவிடத்தால் அல்ல; தமிழன் சாதியால் பிரிந்ததால் தான் வீழ்ச்சி

ஜூனியர் விகடன் ஏடு வெளியிட்ட கழுகார் கேள்வி-பதில் பகுதியிலிருந்து - கேள்வி : திராவிடர்கள் என்று சொல்லிக் கொண் டால்தான் தமிழர்கள் அரசியல் உரிமையை அடைய வில்லை என்று சிலர் சொல்ல ஆரம்பித்துள்ளனரே? கழுகார் பதில்: திராவிடர் என்பதும் தமிழர் என்பதும் ஒரே பொருள் ... மேலும்>>

தூக்கிலிருந்து விடுதலை பெற்ற சி.ஏ.பாலன்

2011-08-17T00:44:00.000-07:00

குடியரசுத் தலைவர் தூக்குத் தண்டனைக்கான கருணை மனுவை தள்ளுபடி செய்த பிறகு கேரளத்தில் சி.ஏ.பாலன் என்ற கம்யூனிஸ்ட் கட்சித் தோழர், தூக்கிலிருந்து விடுவிக்கப்பட்ட வரலாறும் உண்டு. உச்சநீதிமன்ற நீதிபதியாக இருந்த வி.ஆர். கிருஷ்ணய்யர், நீதிபதியாவதற்கு முன் கேரளாவில் உள்துறை அமைச்சராக இருந்தார். ... மேலும்>>

உலக நாடுகளில் விடைபெறும் தூக்குத் தண்டனை

கடந்த 10 ஆண்டுகளில் 22 நாடுகள் தூக்குத் தண்டனையை தங்கள் சட்டப் புத்தகத்திலிருந்து நீக்கி விட்டன. இப்போது 95 நாடுகளில் தூக்குத் தண்டனை சட்டப்படி ஒழிக்கப்பட்டு விட்டது. அய்ரோப்பிய ஒன்றியம் முழுதும் (பெலாரஸ்என்ற நாட்டைத் தவிர) தூக்குத் தண்டனை ஒழிக்கப்பட்டு விட்டது. ... மேலும்>>

2 ஆண்டுகாலத்துக்கும் மேலாக நிறைவேற்றப்படாத தூக்குத் தண்டனைகளை ரத்து செய்த உச்சநீதிமன்றம் அடுக்கடுக்கான வழக்கு ஆதாரங்கள்

தூக்குத் தண்டனை விதிக்கப்பட்ட பிறகு, நீண்டகாலம் அதை நிறைவேற்றாமல் தள்ளிப் போடுவது கூடுதல் தண்டனை வழங்குவதாகும் என்று கூறி பல வழக்குகளில் உச்சநீதிமன்றம், தூக்குத் தண்டனையை ரத்து செய்து, ஆயுள் தண்டனையாக மாற்றியுள்ளது. இரண்டு ஆண்டுகாலம் தூக்குத் தண்டனை நிறைவேற்றப்படாவிட்டாலே அதை ... மேலும்>>

புலிகள் இஸ்ரேலிடம் பயிற்சிப் பெற்றவர்களா? (9) – விடுதலை க.இராசேந்திரன்

ராஜீவ் கொலையில் அன்னிய சக்திகள் சதிப் பின்னணி உண்டு என்பதே நமது உறுதியான கருத்து. குறிப்பாக இஸ்ரேல் உளவு நிறுவனமான ‘மொசாத்’துக்கு இதில் பங்கு உண்டு என்று ஒரு வலிமையான கருத்து முன் வைக்கப்படுகிறது. 1984 ஆம் ஆண்டு தொடக்கம் - ... மேலும்>>

இராணுவத்தை சந்தித்த கழகம் பெரியார் திராவிடர் கழகம்: நடிகர் சத்தியராஜ் பாராட்டு

‘சுவரெழுத்து சுப்பையா சிந்தனைப் பொறிகள்’ நூல் அறிமுக விழா 5.8.2011 வெள்ளி மாலை சென்னை தியாகராயர் நகர் தெய்வநாயகம் மேல்நிலைப் பள்ளி வளாகத்தில் எழுச்சியுடன் நடைபெற்றது.பொதுச் செயலாளர் விடுதலை இராசேந்திரன் தலைமை தாங்கினார். நூலை உருவாக்குவதில் முன்னின்று செயல்பட்ட கோவை வெ. ... மேலும்>>

விநாயகர் கலவர ஊர்வலத்தைக் கண்டித்து ஆக. 28 இல் பெரியார் கைத்தடி ஊர்வலம்

விநாயகன் கலவர ஊர்வலத்தை எதிர்த்து பெரியார் பெரியார் கைத்தடி ஊர்வலம் நடத்தவும், மரண தண்டனைக்கு எதிராக பரப்புரைப் பயணம் மேற்கொள்ளவும் சென்னையில் நடந்த கழக ஆலோசனைக் குழு முடிவெடுத்துள்ளது. 5.8.2011 அன்று காலை 10 மணிக்கு சென்னை இராயப்பேட்டை முருகேசன் திருமண ... மேலும்>>

கழகத்தின் தீவிர களப் பணிகள்

சென்னிமலையில் பகுத்தறிவுப் பிரச்சாரம்: ஈரோடு மாவட்டம் சென்னிமலை ஒன்றியம் பெரியார் திராவிடர் கழகத்தின் சார்பாக பகுத்தறிவு பிரச்சார பொதுக் கூட்டம் 1.7.2011 அன்று சென்னிமலை பேருந்து நிலையம் அருகில் நடைபெற்றது. பொதுக் கூட்டத்தின் தொடக்கத் தில் மேட்டூர் டி.கே.ஆர். இசைக் குழுவின் ... மேலும்>>

‘தேசத் துரோகி’ சு.சாமி ‘கடவுட் சீட்டை’ பறிமுதல் செய்க!

பாகிஸ்தான் உளவு நிறுவனமான அய்.எஸ்.அய். அமைப்பிலிருந்து பெரும் தொகையைப் பெற்றுக் கொண்டு, அமெரிக்காவில் செயல்பட்ட குலாம் நபி ஃபாய் என்பவரை அமெரிக்க உளவுத் துறையான எஃப்.பி.அய். கைது செய்துள்ளது. காஷ்மீர் பிரச்சினையில் பாகிஸ்தானுக்கு ஆதரவாக கருத்துகளை அமெரிக்காவில் உருவாக்குவதற்காக அவர் பாகிஸ்தான் ... மேலும்>>

1988-90 இல் உளவுத் துறை பின்னிய சதி வலைகள் (8)

‘ரா’ உளவு நிறுவனத்தின் செயல்பாடுகளை கவனிப்போருக்கு பிரேமதாசா கொலையில், இந்திய உளவு நிறுவனத்தின் சதி இருப்பதை புரிந்து கொள்ள முடியும். ‘ரா’ உளவு நிறுவனத்தின் திட்டங்கள், செயல்பாடுகள் குறித்து பாகிஸ்தான் நாட்டைச் சார்ந்த ஆய்வாளர் எஸ்.எச். அலி, ‘Inside Raw’ (‘ரா’வின் ... மேலும்>>

கோவையில் கழகத்தின் தொடர் செயல்பாடுகள்

அகிலஇந்திய வானொலி நிலைய பெயர்ப் பலகையில் தமிழ்ப் பெயர் இடம் பெறாததை சுட்டிக்காட்டி, கோவை மாவட்ட பெரியார் திராவிடர் கழகம் போராட்ட அறிவிப்பை வெளியிட்டது. போராட்டத்துக்கு வாய்ப்பின்றியே வானொலி நிலையம் தமிழில் தனியாக பெயர்ப் பலகையை அமைத்துவிட்டது. குன்னூரில் உள்ள இராணுவப் பயிற்சிக் ... மேலும்>>

Page 1 of 2:1 2 »

சமச்சீர் கல்வி திட்ட ரத்தைக்கண்டித்து திமுக போராடதது ஏன்...?

2011-06-02T22:27:00.000-07:00

சமச்சீர் கல்வித்திட்டத்தை நடைமுறைப்படுத்தவும், தனியார் பள்ளி கல்வி கட்டண கொள்ளையை கண்டித்தும் பெரியார் திராவிடர் கழகம் ஆர்ப்பாட்டம்

2011-06-02T22:09:00.000-07:00

சமச்சீர் கல்வித்திட்டத்தை நடைமுறைப்படுத்தவும், தனியார் பள்ளிக்கல்வி கட்டண கொள்ளையை கண்டித்தும் பெரியார் திராவிடர் கழகம் சார்பில் தூத்துக்குடியில் ஆர்ப்பாட்டம் நடைபெற்றது.

போர்க்குற்றவாளி மகிந்தவுக்கு துணைபோன இந்திய அரசே மன்னிப்பு கேள்: பெரியார் திக ஆர்ப்பாட்டம்

2011-04-23T07:10:00.000-07:00

சிங்கள அரசுக்கு எதிரான ஐ.நா அறிக்கையின் எதிரொலியாக ஈழத்தில் சிங்கள அரசு நடத்திய கொடூரமான போர்க்குற்றங்களுக்கும், இனப்படுகொலைக்கும், துணை நின்ற இந்திய அரசை மன்னிப்பு கேட்க வலியுறுத்தியும், இலங்கை மீதான இந்திய வெளியுறவு கொள்கைகளை மாற்ற கோரியும்,....

பன்னாட்டு விசாரணை குழு அமைக்க கோரியும், தமிழ்நாடு முழுவதும், அந்தந்த மாவட்ட தலைநகரங்களில் “பெரியார் திராவிடர் கழகம்” சார்பில் கண்டன ஆர்ப்பாட்டம் நடத்தப்பட்டது.

தூத்துக்குடியில் மாலை 5 மணியளவில் ஆர்ப்பாட்டம் மாவட்டச்செயலாளர் கோ.அ.குமார் தலைமையில் பாமக தோழர் வியனரசு தொடங்கிவைத்தார். தலைமை செயற்குழு உறுப்பினர் சி.ஆ.காசி ராசன், ஆழ்வை ஒன்றிய செயலாளர் முருகேசனார் ஆகியோர் முன்னிலை வகித்தனர். தொடர்ந்து புரட்சிகர இளைஞர் முன்னணி தோழர் சுஜித் , தூத்துக்குடி பெரியார் திக மாவட்டத்தலைவர் பொறிஞர் சி.அம்புரோசு, துணைத்தலைவர் வே.பால்ராசு உரையாற்றினர்.

ஆர்ப்பாட்ட விளக்கவுரையினை இறுதியாக தலைமை செயற்குழு உறுப்பினர் பால்.பிரபாகரன் உரையாற்றினார்.

நிகழ்வில் தூத்துக்குடி பொறுப்பாளர்கள் மதன், பால்.அறிவழகன், பாலசுப்பிரமணியன், சா.த.பிரபாகரன், ரவிசங்கர், அமிர்தராசு, அகரன் மற்றும் பலர் கலந்துகொண்டனர்.

நிகழ்வில் புஇமு, தமிழ்ப்புலிகள் அமைப்பினரும் கலந்துகொண்டனர்..

சேலம் மாநகரில் பெரியார் திராவிடர் கழகத்தின் தலைவர் கொளத்தூர் தா.செ.மணி தலைமையில் ஆர்ப்பாட்டம் நடைபெற்றது. சென்னையில் பொதுச்செயலாளர் விடுதலை க.இராசேந்திரன் தலைமையில் நடைபெற்றது.

கோவையில் பொதுச்செயலாளர் கு.இராமகிருட்டிணன் தலைமையில் நடைபெற்றது.

பொள்ளாச்சியில் நகரச்செயலாளர் காசு.நாகராசன் தலைமையிலும், கரூரில் மாவட்டத்தலைவர் கு.தனபால் தலைமையிலும் மற்றும் தமிழகத்தின் அனைத்து மாவட்ட தலைநகரங்களிலும் நடைபெற்றது.

போராட்டத்தில் மதிமுக, ஆதித்தமிழர் பேரவை, கொங்கு இளைஞர் பேரவை புரட்சிகர இளைஞர் முன்னணி மற்றும் தோழமை அமைப்பினரும் திரளாக கலந்துகொண்டு இந்திய அரசுக்கு தங்களது கண்டனங்களை தெரிவித்தனர்.

முத்துக்குமாரின் சொந்த ஊரில் அணிதிரண்ட தமிழினம்

2011-01-30T21:15:00.000-08:00

ஒவ்வொரு ஆண்டும் சனவரி 29 இல் முத்துக்குமரனின் பிறந்த இடமான கொழுவைநல்லூர் நோக்கி தமிழினமே அணிதிரள்வோம் என்ற நோக்கத்தோடு வீரத்தமிழ்மகன் முத்துக்குமார் நினைவேந்தல் கூட்டமைப்பின் சார்பில் வழக்கறிஞர்கள் பகத்சிங் மற்றும் தங்கப்பாண்டியன் ஒருங்கிணைப்பில் மதுரையிலிருந்து வாகன பேரணியாக கொழுவை நல்லூர் நோக்கி திரளான மக்கள் சென்று வீரவணக்கம் செலுத்தினர்.

வீரத்தமிழ்மகன் முத்துக்குமரன் நினைவேந்தல் கூட்டமைப்பின் ஏற்பாட்டில் மதுரை தமுக்கம் தமிழன்னை சிலையிலிருந்து கொழுவை நல்லூர் நோக்கி சுடரோட்டம் வாகன அணிவகுப்பு காலை 10 மணியளவில் தொடங்கியது.

இவ் அணிவகுப்பானது நீதிமன்றத்தில் தமிழை வழக்காடு மொழியாக்கக்கோரி உண்ணாநிலைப்போராட்டம் மேற்கொண்டு போராடிய வழக்கறிஞர்கள் பகத்சிங், தங்கப்பாண்டியன் ஒருங்கிணைப்பில் காரியாபட்டி, அருப்புக்கோட்டையில் முத்துக்குமார் வீரவணக்க பிரச்சாரம் செய்தனர். பின்னர் மாலையில் வடக்கு ஆத்தூரிலிருந்து தியாகச்சுடர் ஏந்தி நடை பேரணியாக கொழுவை நல்லூர் முத்துக்குமாரன் வீடு வரை பேரணியாக சென்றனர்.

முத்துக்குமார் இல்லத்தில் வீரவணக்க நிகழ்வு தியாகி இம்மானுவேல் பேரவை தலைவர் சு.சந்திரபோஸ் தலைமையில் நடைபெற்றது. தியாகச்சுடரினை முத்துக்குமாரின் பாட்டியிடம் ஒப்படைத்தனர். பின்னர் பெரியார் திராவிடர் கழகத்தின் மாநில செயற்குழு உறுப்பினர் தூத்துக்குடி பால்.பிரபாகரன் வீரவணக்கவுரையாற்றினார். தொடர்ந்து வழக்கறிஞர் பகத்சிங் உரையாற்றினார். இறுதியாக பேரணியில் பங்கேற்ற தமிழுணர்வாளர்களுக்கு வழக்கறிஞர் தங்கப்பாண்டியன் நன்றியுரையாற்றி அனைவரும் வீரவணக்கம் செலுத்தினர்.

இந்நிகழ்வில் மதுரையிலிருந்து 200க்கும் மேற்பட்ட தமிழுணர்வாளர்கள் ஊர்தியில் வந்திருந்தனர். பெண்களும், குழந்தைகளும் திரளாக வந்திருந்தது எழுச்சியை ஏற்படுத்தியது. நிகழ்வில் பெண்கள் விடுதலை மய்ய தோழர் அகராதி, பெரியார் திராவிடர் கழக தூத்துக்குடி மாவட்டச்செயலாளர் கோ.அ.குமார், மாநகர செயலாளர் பால்.அறிவழகன், தமிழ்நாடு மாணவர் கழக அகரன், மக்கள் உரிமைக்கூட்டமைப்பின் தமிழரசன், தமிழ் புலிகள் அமைப்பின்ர் ஆகியோரும் கலந்துகொண்டனர்.

தமிழருக்கான தேசிய சிந்தனைகள் மக்கள் மனதில் உதிக்கட்டும், மலரட்டும்: கொளத்தூர் மணி

2011-01-24T21:38:00.000-08:00

முத்துக்குமார் இனவெழுச்சி சுடர்பயணம் இன்று நீலகிரியில் பெரியார் திராவிடர் கழக தலைவர் கொளத்தூர் மணி அவர்களால் தொடங்கிவைக்கப்பட்டது. இந்நிகழ்வில் கொளத்தூர் மணி தனது உரையாற்றுகையில் " தமிழருக்கான தேசிய சிந்தனைகளும், தமிழ் தேசிய தேவையும் மக்கள் மனதில் இப்பயணத்தால் உதிக்கட்டும், வளரட்டும் என்று தெரிவித்துள்ளார்.

மனித உரிமை மீறலை தடுப்போம் அரச பயங்கரவாதத்தை எதிர்ப்போம்

2010-12-10T08:10:00.000-08:00

மனித உரிமை மீறலை தடுப்போம் அரச பயங்கரவாதத்தை எதிர்ப்போம் என்ற முழக்கத்தோடு மனித உரிமை நாளான திசம்பர் 10 இல் தூத்துக்குடியில் ஆர்ப்பாட்டம்.

தமிழக சிறையில் நீண்ட நாள் வாடிக்கொண்டிருக்கும் நளினி, முருகன், பேரறிவாளன், சாந்தன், இராபர்ட் பயஸ், ரவிச்சந்திரன், ஜெயக்குமார் ஆகியோரை விடுதலை செய்யக்கோரியும் பொய் வழக்கு போட்டு பெங்களூர் சிறையில் அடைக்கப்பட்டுள்ள அப்துல் நாசர் மதானி ஆகியோரை விடுதலை செய்யக்கோரியும் தூத்துக்குடி பழைய மாநகராட்சி முன்பு மாலை 4 மணியளவில் ஆர்ப்பாட்டம் நடைபெற்றது.

மனித உரிமைக்கான மக்கள் கூட்டமைப்பு தோழர் பெனடிக் தலைமையேற்றார். தவ்ஹீத் ஜமாத் பொறுப்பாளர் அகமது இக்பால் முன்னிலை வகித்தார். இந்நிகழ்வில் தமிழ் ஆர்வலர் ஞானசேகரன் மக்கள் உரிமைக்கூட்டமைப்பு துரை அரிமா, இ.பொ.க அ.மோகன்ராசு, கிறித்த வாழ்வுரிமை இயக்கம் பணி. சுந்தரி மைந்தன், தமிழ் ஆர்வலர்கள் தமிழ்ச்செல்வன், பீற்றர், பெரியார் திராவிடர் கழக பால்.பிரபாகரன், உழைக்கும் மக்கள் விடுதல இயக்க வெனி.இளங்குமரன், த.ஒ.வி.ஒ. தமிழ்மாந்தன், ஆகியோர் கண்டன உரையாற்றினர்.

நிகழ்வில் பெதிக மாவட்ட துணைத்தலைவர் வெ.பால்ராசு, மாவட்ட இணைச்செயலர் க.மதன், தமுமுக அபுபக்கர் சித்திக் மனித நேய மக்கள் கட்சி காஜா மைதீன், அ.இ.பெ.ம. சந்திரசேகர், மற்றும் திரளனா தோழர்கள் கலந்துகொண்டனர்.

ராஜீவ் வழக்கில் கைது செய்யட்டிருப்பவர்களை விடுதலை செய்யக்கோரியும் தேசிய பாதுகாப்புச்சட்டத்தை அமுல்படுத்திவரும் அரச பயங்கரவாதத்தைக்கண்டித்தும் விடுதலைப்புலிகள் மீதான தடையை நீக்கக்கோரியும் முழக்கமிட்டனர்.

சாதி தீண்டாமை ஒழிப்பு பரப்புரை பயணம் - தூத்துக்குடி

2010-11-29T06:15:00.000-08:00

தூத்துக்குடியில் நவம்பர் 20 அன்று சாதி தீண்டாமை ஒழிப்பு பரப்புரை பயணம் தூத்துக்குடி மாவட்ட பெரியார் திராவிடர் கழகத்தினரால் நடத்தப்பட்டது.

***********************************************************************************

இணையங்களில் தூத்துக்குடி தென் திருப்பேரை பெரியாரியல் விளக்க கூட்ட நிகழ்வு

2010-10-25T20:47:00.000-07:00

newindianews:

மந்திரமா? தந்திரமா? [வீடியோ இணைப்பு]

[ திங்கட்கிழமை, 25 ஒக்ரோபர் 2010, 06:00.44 AM ] []

தூத்துக்குடி அருகே தென் திருப்பேரை என்னும் ஊரில் பெரியாரிய கொள்கைகளை விளக்கும் வகையில் மக்களிடம் மூட நம்பிக்கைகளை போக்க பெரியார் திராவிடர் கழகத்தின் பால்.அறிவழகன் அவர்கள் நடத்திய மந்திரமா? தந்திரமா? நிகழ்வினை நடத்தியுள்ளார். [மேலும்]

மீனகம்:

மந்திரமா? தந்திரமா? [காணொளி இணைப்பு]

தூத்துக்குடி அருகே தென் திருப்பேரை என்னும் ஊரில் பெரியாரிய கொள்கைகளை விளக்கும் வகையில் மக்களிடம் மூட நம்பிக்கைகளை போக்க பெரியார் திராவிடர் கழகத்தின் பால்.அறிவழகன் அவர்கள் மந்திரமா? தந்திரமா? நிகழ்வினை நடத்தியுள்ளார். மேலும் »

செய்திகளை வெளியிட்ட ஊடகங்களுக்கு நன்றி

---
பெரியார் திராவிடர் கழகம் ,

தூத்துக்குடி ,

தொடர்புக்கு : +91 98650 13933

பெரியாரியல் கொள்கை விளக்க கூட்டம்

2010-10-23T21:24:00.000-07:00

சாதி மதங்களை ஒழிக்கும் பெரியாரின் மனிதநேயப்பணி முடிக்க பெரியாரியல் கொள்கை விளக்க கூட்டம் தூத்துக்குடி மாவட்டம் தென் திருப்பேரையில் 23.10.2010 சனிக்கிழமை மாலை 6.00 நடைபெற்றது.

இந்நிகழ்வுக்கு ஆழ்வை ஒன்றிய செயலாளர் இரா.உதயகுமார் தலைமையேற்றார், ஆழ்வை ஒன்றிய செயலாளர் நாத்திகம் பா.முருகேசனார், தூத்துக்குடி மாவட்ட துணைத்தலைவர் வெ.பால்ராஜ் ஆகியோர் முன்னிலை வகித்தனர்.

நிகழ்வில் பெரியார் திராவிடர் கழகத்தின் ஆட்சிக்குழு உறுப்பினர் பால்.பிரபாகரன், மாவட்டச்செயலாளர் கோ.அ.குமார், மாவட்டத்தலைவர் பொறிஞர் சி.அம்புரோசு ஆகியோர் உரையாற்றினர்.

நிகழ்வின் இறுதியில் சாமியார்களின் பித்தலாட்டத்தை விளக்கும் மந்திரமா? தந்திரமா ? நிகழ்வினை பால்.அறிவழகன் நடத்தினார்.

நிகழ்வில் க.மதன், சா.த.பிரபாகரன், அமிர்தராசு, அகரன், நெல்லையிலிருந்து மாவட்டச்செயலாளர் சி.ஆ. காசிராசன், தமிழ்ப்புலிகள் அமைப்பின் நெல்லை பொறுப்பாளர் மாயா தோழர்களுடன் கலந்துகொண்டார்

இந்நிகழ்வின் முழுச்செலவினையும் அருணா ஒலி-ஒளி அமைப்பக உரிமையாளர் கடம்பா முருகன் ஏற்றுக்கொண்டார். தோழர்களுக்கு இரவு உணவினை ஆழ்வை ஒன்றிய செயலாளர் உதயக்குமார் குடும்பத்தினர் தங்கள் இல்லத்தில் சிறப்பாக ஏற்பாடு செய்திருந்தார்கள்.

ஏதிலி முகாம் மக்களை வெளிநாட்டிற்கு அனுப்ப முயன்றதாக பெரியார் திகவின் புதுவை மாநிலத்தலைவர் கைது

2010-10-08T07:40:00.000-07:00

தமிழகத்திலுள்ள ஈழ ஏதிலிகளை வெளிநாட்டிற்கு அனுப்ப முயன்றதாக பெரியார் திராவிடர் கழகத்தின் புதுச்சேரி மாநிலத்தலைவர் லோகு. அய்யப்பன் உட்பட ஐந்து பேர் கைது செய்யப்பட்டுள்ளார்.

பெரியார் திராவிடர் கழக தலைவர் லோகு.அய்யப்பன் 1995-ல் ராவணன் பகுத்தறிவு இயக்கம் என்ற அமைப்பை நடத்தி வந்தார். 2001-ல் ஜெயலலிதாவுடன், வீரமணி கூட்டணி அமைத்தபோது வெளியேறிய கொளத்தூர் மணி, கோவை.ராமகிருஷ்ணன், விடுதலை ராஜேந்திரன் ஆகியோர் பெரியார் திராவிடர் கழகத்தை உருவாக்கினர்.

இதற்கு கொளத்துர் மணி தலைவரானார். அப்போது பெரியார் திராவிடர் கழகத்துடன் தனது ராவணன் பகுத்தறிவு இயக்கத்தை லோகு.அய்யப்பன் இணைத்துக்கொண்டார்.

2005-ல் பிரான்சு நாட்டிற்கும், 2006-ல் இலங்கைக்கும் சென்று பலரை லோகு.அய்யப்பன் சந்தித்து வந்துள்ளார்.

இதன்பின் இயக்குனர் சீமானுடன் லோகு.அய்யப்பன் நெருங்கிப்பழகி வந்தார். இயக்குனர் சீமான் புதுச்சேரி சிறையில் அடைக்கப்பட்டிருந்தபோது நாள்தோறும் இவரது வீட்டிலிருந்து உணவு வழங்கி லோகு.அய்யப்பன் தனது நட்பை வெளிப்படுத்தினார்.

செய்தி: மாலைமலர்

அக் 2 செயல்படாத தீண்டாமை ஒழிப்பு பிரிவினை இழுத்து மூடும் போராட்ட காணொளி

2010-10-03T03:10:00.000-07:00

அக் 2 செயல்படாத தீண்டாமை ஒழிப்பு பிரிவினை இழுத்து மூடும் போராட்ட காணொளி

periyardk_oct02_clip0.wmv

2010-10-02T23:54:00.000-07:00

தமிழ்நாட்டில் நிலவும் தீண்டாமைக் கொடுமைகளைத் தடுத்து நிறுத்தாத காவல்துறையின் தீண்டாமை ஒழிப்புபிரிவின் திருச்சி அலுவலகத்தை இழுத்துப்பூட்டும் போராட்டம் வெற்றிகரமாக நடந்தேறியது. குழந்தைகள் பெண்கள் உட்பட 3000 இளைஞர்கள் கைதாயினர்.

திருச்சி வேர் அவுஸ் கிறிஸ்தவக் கல்லறையைக் கட்டுப்பாட்டில் வைத்திருக்கும் திருச்சி பழையகோவில் பங்குக்கு உட்பட்ட பகுதிகளான உப்புப்பாறை, செங்குளம் காலனி, சத்தியமுர்த்தி நகர் பகுதிகளிலிருந்து 100 க்கும் மேற்பட்ட பெண்கள் இப்போராட்டத்தில் கலந்துகொண்டு கைதாயினர்.

சாதி ஒழிப்பு விடுதலை முன்னணி, ஆதித்தமிழர் பேரவை ஆகிய அமைப்புகளின் தோழர்களும் இப்போராட்டத்தில் பங்கேற்று கைதாகி உள்ளனர். திருச்சி கருமண்டபம் பகுதியில் உள்ள மீனாட்சி திருமண மண்டபம், சௌடீஸ்வரி மண்டபம், பீமநகர் பாலாஜி மண்டபம், கே.கே. நகர் காவல்துறை சமுதாயக்கூடம் ஆகிய மண்டபங்களில் கைதான தோழர்கள் அடைத்துவைக்கப்பட்டனர். மண்டபங்களில் இடம் இல்லாததால் திருச்சி நகரைத் தாண்டி தோழர்களை அழைத்துச்சென்று நடுரோட்டில் இறக்கிவிட்டது போலீஸ். கைது கிடையாது, வீட்டுக்குச் செல்லுங்கள் என திருப்பி அனுப்பினர்.

தோழர்கள் தங்களை அவசியம் கைது செய்ய வேண்டும் என காவல்துறை அதிகாரிகளுடன் போராடியபிறகு புதிது புதிதாக மண்டபங்களை தேர்வுசெய்து அவற்றில் தோழர்களை அடைத்தனர். பீம நகர் பகுதியிலும் கருமண்டபம் பகுதியிலும் தோழர்கள் தங்களை அவசியம் கைது செய்யவேண்டுமென வலியுறுத்தி நடுரோட்டில் மறியல் செய்யத் தொடங்கிய பிறகே அனைவரையும் காவல்துறை கைது செய்தது. கைது எண்ணிக்கையைக் குறைத்துக் காட்ட உளவுத்துறை அதிகாரிகள் பெரும் முயற்சி செய்தும் தோல்வியடைந்தனர்.

கடவுளை மறமனிதனை நினை

தமிழர்களே தீண்டாமையை ஒழிக்க திரள்வீர் - கொளத்தூர் மணி

2010-09-23T10:55:00.000-07:00

தீண்டாமை ஒழிப்புப் பிரிவை இழுத்துப் பூட்டுவோம்!

சட்டப்படி தீண்டாமை குற்றம்; ஆனால் நடைமுறையில் என்ன நடக்கிறது?

தமிழ்நாட்டின் பல கிராமங்களில் தேனீர்க் கடைகளில், சுடுகாடுகளில் முடிதிருத்தும் நிலையங்களில், ரேஷன் கடைகளில், பல இடங்களில் பல வடிவங்களில் தீண்டாமைக் கொடுமைகள் நீடிக்கின்றன.

பெரியார் திராவிடர் கழகம், தீண்டாமையைப் பின்பற்றும் கடைகள், அமைப்புகளை முகவரிகளோடு பட்டி யல்களாக தயாரித்துள்ளது. தீண்டாமை நிலவும் கிராமங்கள் இருப்பதாக அரசாங்கமும் ஒப்புக் கொள்கிறது.

மனிதனை மனிதன் இழிவுபடுத்தும் இந்தக் கொடுமையை எதிர்த்துத்தான் பெரியார் இயக்கம் தொடங்கினார். ஆனால், பெரியார் தொடங்கிய போராட்டம் இன்னும் முடியவில்லை.

பெரியார் திராவிடர் கழகம் மூன்று கட்டங்களாக பல மாதங்களாக, பல நூறு கிராமங்களில் தொடர்ந்து மக்களை சந்தித்து சாதி, தீண்டாமைக்கு எதிராக பரப்புரைப் பயணம் நடத்தியது. அடுத்தக்கட்டமாக இப்போது போராட்டக் களத்தில் இறங்கியுள்ளது.

தீண்டாமைக் குற்றங்களைத் தடுப்பதற்கும், குற்றவாளிகள் மீது நடவடிக்கை எடுப்பதற்கும் காவல்துறையில் தனிப் பிரிவே இருக்கிறது.

மனித உரிமைப் பிரிவு என்று பெயரில் உள்ள இந்தத் துறை என்ன செய்கிறது? தீண்டாமையைத் தடுக்க வேண்டாமா? குற்றம் புரிந்தோர் மீது கைது செய்து நடவடிக்கை எடுக்க வேண்டாமா? செயல்படாமல் இருப்பதற்கு ஒரு துறையா?

இந்தக் கேள்விகளோடு - கழகம் களமிறங்குகிறது! திருச்சியில் - அக்.2 இல் தீண்டாமை ஒழிப்புப் பிரிவை இழுத்துப் பூட்டும் போராட்டம்!

காந்தி பிறந்த நாள் அக்.2; ‘தேசியத் தந்தை’ பிறந்த நாளில் தேசிய அவமானமாக நீடிக்கும் தீண்டாமைக் கொடுமைகளை சுட்டிக் காட்டுகிறோம்.

இது மக்கள் போராட்டம்; மனித உரிமைப் போராட்டம்; சுயமரியாதைப் போராட்டம்.

தமிழர்களே! உங்கள் ஆதரவை வேண்டி நிற்கிறது, பெரியார் திராவிடர் கழகம்! களப்பணிகளுக்கு, நிதி வழங்கி உதவிடுவீர்!

- பெரியார் திராவிடர் கழகம்

வங்கி வழியாக செலுத்த விரும்புவோர் கீழ்க்கண்ட வங்கிக் கணக்குக்கு அனுப்பலாம்.

தா.செ.மணி, கணக்கு எண்: 555850503, இந்தியன் வங்கி, கொளத்தூர், சேலம் மாவட்டம்.

http://periyardk.org/indexnew.php?subaction=showfull&id=1283308711&archive=&start_from=&ucat=5&

அண்ணா பல்கலை துணைவேந்தர் மன்னார் ஜவஹர் கொடும்பாவி எரித்த ஆதித்தமிழர் பேரவையினர் கைது

2010-09-10T01:32:00.001-07:00

மாணவி ஜோதி தற்கொலை வழக்கில் உண்மையை மறைக்கப்பார்க்கும் அண்ணா பல்கலைக்கழக துணைவேந்தர் மன்னார் ஜவஹரை கண்டித்து இன்று (10.09.2010) காலை தூத்துக்குடியில் உருவப்பொம்மை எரிப்பு போராட்டம் நடைபெற்றது.

ஆதித்தமிழர் பேரவையின் மாணவரணி சார்பில் நடைபெற்ற இப்போராட்டத்தில் ஆதித்தமிழர் பேரவையின் மாவட்ட மாணவரணித்தலைவர் சண்முகவேல் தலைமையேற்றார். அ.மனோகர், கௌதமன் உட்பட 12 பேர் கைது செய்யப்பட்டுள்ளனர்.

பெரியாரின் கொள்கை வாரிசுகளாக பெரியார் திக திகழ்கிறது: ஆதித்தமிழர் பேரவையின் பொதுச்செயலாளர் நீலவேந்தன்

2010-09-06T18:54:00.000-07:00

திருச்செந்தூரில் நடைபெற்ற பெரியாரின் குடி அரசு நூல் அறிமுகக்கூட்டத்தில் கலந்துகொண்ட ஆதித்தமிழர் பேரவையின் பொதுச்செயலாளர் ப.நீலவேந்தன் அவர்கள் ஆற்றிய உரை:

சமூக விடுதலைக்கு திராவிடம் அரசியல் விடுதலைக்கு தமிழ்தேசியம் - கொளத்தூர் மணி

2010-09-06T11:42:00.001-07:00

திருச்செந்தூரில் 02.09.2010 அன்று நடைபெற்ற தந்தை பெரியாரின் "குடி அரசு" நூல் வெளியீட்டு விழாவில் பெரியார் திராவிடர் கழகத்தலைவர் தோழர் கொளத்தூர் தா.செ.மணி அவர்கள் ஆற்றிய உரை

திராவிடத்தால் எழுந்தோம் தமிழால் வெல்வோம் - பால்.பிரபாகரன்

2010-09-06T00:14:00.000-07:00

திருச்செந்தூரில் நடைபெற்ற தந்தை பெரியரின் குடியரசு நூல் அறிமுக கூட்டத்தில் தோழர் தூத்துக்குடி பால்.பிரபாகரன் ஆற்றிய உரை.

சீமானின் திராவிட எதிர்ப்பும்; சாதி ஆரிய அரவணைப்பும்....

2010-04-22T14:29:00.000-07:00

‘நாம் தமிழர்’ என்ற பெயரில் ஓர் அரசியல் கட்சி 18.5.2010 அன்று மதுரையில் அறிவிக்கப்பட உள்ளது. அதற்கான பரப்புரைகளும், விளம்பரங்களும், அறிக்கைகளும் அவ்வியக்கத் தோழர்களால் முனைப்புடன் பரப்பப்படுகின்றன. அவர்களோடு சேர்ந்து விளம்பரப்படுத்த அல்ல நாம் இதை எழுதுவது! பின் எதற்கு?

விளம்பர அறிக்கை தாங்கி நிற்கும் சில செய்திகளைப் பற்றிய நமது கருத்துகளைத் தெரியப்படுத்த, தெளிவுபடுத்தத்தான் இதை எழுத நேர்ந்தது.

தோழர் சீமான் நமது பெரியார் திராவிடர் கழக மேடைகளில் பெரியாரின் கருத்துகளை சிறப்பாக, அழுத்தமாக பேசி வந்தவர்தான். ஈழ விடுதலையில் அவர் கொண்டுள்ள அக்கறையும், ஆர்வமும் போற்றத்தக்கதுதான். நமது இயக்கத்தோழர்களிடம் நல்லுறவும், இயக்க முன்னணியினரிடம் பெரு மதிப்பும் கொண்டவர்தான்.

ஆனாலும், தங்க ஊசி என்பதற்காக கண்ணைக் குத்தும்போதும் நாம் அமைதியாக இருந்துவிட முடியாது; இருந்துவிடக் கூடாது.

அதுவும் குறிப்பாக “அறிஞர்” குணாவின் பாதையில் ‘தமிழர் - தமிழரல்லாதவர்’; ‘திராவிடர் - திராவிடம்’ பற்றி அவர் வெளிப்படுத்திக் கொண்டிருக்கிற கருத்துக்களை நாம் உரிய வகையில் விளக்கவும், அப்பொய்மைகளை அம்பலப்படுத்தவுமான கடமை நமக்கு உண்டு; நமக்கு மட்டுமே உண்டு. எனவேதான் இதை நாம் எழுதலானோம்.

தமிழர்கள், திராவிடர்கள் பற்றிய விரிவான ஆராய்ச்சிகளை ‘நாம் தமிழர் இயக்கம்’ மேற்கொண்டிருக்கிறது. ‘நல்ல தமிழர்களை’ அவர்கள் தேடிக் கிளம்பியிருக்கிறார்கள்.

ஆனால், அவர்களின் தமிழர் அடையாள ஆராய்ச்சியின்படி ஈழ விடுதலைக்கும் விடுதலைப்புலிகளுக்கும் பேருதவி செய்த முன்னாள் முதல்வர் எம்.ஜி.இராமச்சந்திரனைக்கூட ஒப்புக் கொள்ள மாட்டார்கள். அவர் பிறப்பால் மலையாளி என்பதால் ‘திராவிடராகி’ விடுகிறார். நான்காவது ஈழப்போரின் இறுதிக் கட்டத்தில், ஈடில்லாத போராட்டங்களை நடத்திய கோவை இராமகிருட்டிணன், பேராசிரியர் சரசுவதி ஆகியோர்கூட, அவர்கள் கண்களுக்கு ‘நல்ல தமிழர்களாக’ புலப்படவில்லை.

ஆங்கிலேயர் கால்டுவெல் கண்டுபிடித்த சொல்லான திராவிடத்தை எப்படி ஏற்க முடியும் என்ற வாதங்களையெல்லாம் முன் வைக்கிறார்கள். ‘கால்டுவெல்’ என்ற ஆங்கிலேயரின் கண்டுபிடிப்புகளையெல்லாம் ஏற்கக் கூடாது என்று அவர்கள் ‘ஆராய்ச்சி’கள் கூறினாலும், சீமான் என்ற வடமொழிப்பெயரை சூட்டிக் கொண்டுள்ளதற்காக அவரை, நாம் தமிழன் இல்லை என்று சொல்லப் போவதில்லை. அவர்களின் ஆராய்ச்சியை சீமானுக்கு நாம் பொருத்திப் பார்க்கத் தயாராக இல்லை.

ஒன்றைத் தெளிவுபடுத்த விரும்புகிறோம். ‘திராவிட’ என்ற சொல்லை தங்களுடன் இணைத்துக் கொண்டதற்காகவே கலைஞர் கருணாநிதியையோ, விஜய்காந்தையோ, ஜெயலலிதாவையோ நாம் தூக்கி சுமப்பவர்கள் அல்ல.

கலைஞர்கூட ஒரு காலத்தில் அவர் சார்ந்த சமூகப் பார்வையோடு ஒடுக்கப்பட்ட மக்களின் விடுதலைக்காக திராவிடர் இயக்கத்துக்கு வந்தவர்தான். இன்று அவரிடம் அந்த சமூகப் பார்வை எல்லாம் காணாமல் போய் பெரு முதலாளிகளின் வர்க்கப் பார்வைக்கு வந்துவிட்டார்.

ஜெயலலிதா எப்போதுமே தமிழினத்துக்கு எதிரிதான். இந்த சக்திகள் அரசியல் களத்திலிருந்து ஒதுக்கப்பட்டு, தமிழர்களுக்கான புதிய அரசியல் சக்தி ஏதேனும் தோன்றாதா என்று உண்மையாக ஏங்கும் தமிழர்கள் ஏராளம் உண்டு. விஜய்காந்த் போன்ற குழப்பவாதிகளைவிட சீமான் போன்றவர்கள் அரசியல் களத்துக்கு வரட்டுமே என்ற எண்ண ஓட்டமும் நமக்கு உண்டு.

ஆனால், புதிதாக புறப்பட இருக்கிற ‘நாம் தமிழர்’ தமிழர்களை ஆரிய எதிர்ப்பாளர்களாக அடையாளப்படுத்திய பெரியாரின் பார்வையைத் தூக்கி எறிந்துவிட்டு, திராவிடர் எதிர்ப்பாளராக அடையாளப் படுத்துவதில் முனைப்புக் காட்டத் தொடங்கிவிட்டது.

பெரியார் முன்னிறுத்திய ‘திராவிடர்’ என்பது தமிழர்களுக்கான - தமிழர்களை பார்ப்பனிய அடிமைப் பண்பாட்டிலிருந்து மீட்டெடுக்கும் குறிச்சொல் என்ற அடிப்படை உண்மையையே திசை திருப்பி, அது ஏதோ கேரளா, கர்நாடக, ஆந்திர மாநிலத்தில் வாழும் இனங்களிடம் தமிழர்களை அடிமைப்படுத்துவதாக ஒரு சித்திரத்தை தீட்டிக் காட்ட படாதபாடுபடுகிறார்கள். இதில் அளவில்லாத மகிழ்ச்சி ஆரியத்துக்குத் தான்.

‘அப்பாடா, நாம் தமிழர் வந்துவிட்டது; இனி நமக்கு ஆபத்தில்லை’ என்று அவாள் கூட்டம், மகிழ்ச்சியில் கூத்தாடக் கூடும். தமிழருக்கு அன்றும் இன்றும் என்றும் கேடானது ஆரியம். அதற்கு அரண் அமைத்துக் கொண்டிருப்பது இந்தியம்; உண்மையில் தமிழர்கள் மீதுசுமத்தப் பட்டுள்ள ஒட்டு மொத்த அடிமைத்தனங்களுக்கும் எதிரான பண்பாட்டுப் புரட்சியை முன்னெடுக்கும் வலிமையான போர்வாள் திராவிடர் - திராவிடம் என்ற லட்சியச் சொல்; ஆனால், ‘நாம் தமிழருக்கு’ அவைகள் கசக்கின்றன.

தமிழ்நாட்டைத் தவிர, பிற மொழிக்காரர்கள் வேறு எந்த மாநிலத்திலாவது முதல்வரானது உண்டா என்றெல்லாம் கேட்கிறார்கள். அடக்கத்துடன் நாம் நினைவூட்டுகிறோம். பக்கத்து நாடான கன்னட நாட்டில் தரம்சிங் என்ற மராட்டியர் முதலமைச்சராக இருந்திருக்கிறார்.

‘நாம் தமிழர்’ அமைப்புத் தோழர்கள் பலரின் சட்டைகளை அலங்கரித்துக் கொண்டிருக்கும் சேகுவேரா கூட அர்ஜென்டினாவில் பிறந்தவர் தான் . அவர் கியுபா விடுதலைக்குப் போராடினார். அத்துடன் நிற்கவில்லை.பொலிவியா விடுதலைக்கும் போராடச் சென்றார். ‘நாம் தமிழர்’ அமைப்பின் திராவிடர் எதிர்ப்புக் கோட்பாட்டைப் பொருத்திப் பார்க்கும்போது, சேகுவேராவும் கூட கியூபாவின் அன்னியர் தானே?

இனி அவர்கள் பார்வையில் ப. சிதம்பரம், சோழவந்தான் சுப்ரமணியசாமி, புதுவை நாராயணசாமி எல்லாம் திராவிடர் அல்லாத “நல்ல தமிழர்”களாகி விடக் கூடும்.

இன்னும் விரிவாக எழுதலாம்; திராவிடர் எதிர்ப்பை அவர்கள் தொடரும்போது அதற்கான விளக்கங்களும் பதில்களும் வரத்தானே செய்யும்? அவைகளுக்கெல்லாம் இந்த விளக்கம் ஒரு சிறிய முன்னோட்டம் மட்டுமே!

- கொளத்தூர் தா.செ. மணி

தலைவர், பெரியார் திராவிடர் கழகம்

http://periyardk.org/

கருப்புக்கொடி ஏற்றிய பெரியார் திக தோழர் கைது

2010-01-25T20:17:00.000-08:00

திருச்சியில் இன்று (சனவரி 26) காலை கருப்புக்கொடி ஏற்றிய பெரியார் திக தோழர் இராசேந்திரன் கைது செய்யப்பட்டுள்ளார்.

தொடர்வண்டி நிலையம் முன்பு ஆர்ப்பாட்டம் செய்த 46 பெரியார் திகவினர் கைது

2010-01-19T04:48:00.000-08:00

தொடர்வண்டி நிலையம் முன்பு ஆர்ப்பாட்டம் செய்த 46 பெரியார் திகவினர் கைது



பாண்டிச்சேரியிலிருந்து மாகி செல்லும் தொடர்வண்டியை கோவை சந்திப்பு வழியாக இயக்கக்கோரி ஆர்ப்பாட்டம் செய்த 46 பேர் பொதுச்செயலாளர் கோவை.இராமகிருட்டிணன் தலைமையில் கைது செய்யப்பட்டுள்ளனர்.
Read more...

சூரிய கிரகணத்தின் பயத்தை போக்கிய விழிப்புணர்வு கூட்டம்

2010-01-19T00:14:00.000-08:00

பெரியார்தளம் - திராவிடர்களின் செய்தி ஊடகம்

சூரிய கிரகணத்தின் பயத்தை போக்கிய விழிப்புணர்வு கூட்டம்

Written by சென்னை தளம்
Tuesday, 19 January 2010 12:55
சூரிய கிரகணத்தின் பயத்தை போக்கும் விழிப்புணர்வு கூட்டம் 15.1.10 அன்று பெரியார் திராவிடர் கழகத்தின் சென்னை மாவட்ட தியாகராயநகர் கிளையின் சார்பில் நடத்தப்பட்டது. பகல் 12 மணிக்கு கூட்டத்தில் கலந்து கொண்ட அனைவருக்கும் ரொட்டி துண்டு, மாட்டுக்கறி வழங்கப்பட்டது, மாட்டுக்கறி சாப்பிடாதவர்களுக்கு ரொட்டியும் ஜாமும் தரப்பட்டது.
Last Updated on Tuesday, 19 January 2010 13:28
Read more...

வரலாற்றில் இன்று - சனவரி 02

2010-01-01T18:21:00.000-08:00

இன்று ஆர்தர் தம்பையா, மூத்த தளபதி கேணல் கிட்டு, சப்தர் ஆசுமி, பெரியார் திராவிடர் கழக தலைவர் கொளத்தூர் மணி பற்றிய வரலாற்று தகவல்கள்....

சேலத்தில் சாதி ஒழிப்பு, பகுத்தறிவு பரப்புரை தெருமுனை கூட்டங்கள்

2009-12-31T06:43:00.000-08:00

தந்தை பெரியார் 36 வது நினைவு நாளையொட்டி சேலம் மாவட்டத்தில் சாதி ஒழிப்பு பிரச்சார பரப்புரை வரும் சனவரி 5 முதல் சனவரி 12 வரை நடைபெறுகிறது.

நவீன சம்பூகராய் மாற உறுதி ஏற்போம் - தோழர் பால்.பிரபாகரன்

2009-12-27T00:05:00.000-08:00

நவீன சம்பூகராய் மாற உறுதி ஏற்போம் - தோழர் பால்.பிரபாகரன்

பெரியாரின் நினைவு நாளில் சாதியத்தை ஒழிக்க சபதமேற்போம் - தோழர் சு.க.சங்கர்

பெண்விடுதலைக்கு பெரியாரியமே தீர்வு - தோழர் இந்திரா

பெரியாரின் நெஞ்சில் தைத்த முள்ளை பிடுங்கிவிட்டு ஆணியை அடித்துள்ளார்கள் - கோ.அ.குமார்

தமிழீழ தேசியத்தலைவருக்கு பெரியார் திராவிடர் கழக தலைவரின் பிறந்த நாள் வாழ்த்து

2009-11-28T07:38:00.000-08:00

அண்ணன் கொளத்தூர் மணியுடன் தம்பி பிரபாகரன்

தேசியத்தலைவருக்கு பிறந்தநாள் வாழ்த்து – உரை கொளத்தூர் மணி
26/11/2009 | 6:06 pm

[காணொளி] 1989 ஆம் ஆண்டு தமிழீழத்தேசியத்தலைவர் இறந்துவிட்டார் என்று ஊடகங்கள் கூறிய பொழுது தமிழீழம் வந்து தலைவருடன் நிழற்படங்கள் எடுத்து தலைவர் பிரபாகரன் உயிருடன் இருக்கிறார் என்று உலகத்துக்கு கூறியது போன்ற வாய்ப்பு மறுபடியும் கிடைக்குமா…? என்று பெரியார் திராவிடர் கழக தலைவர் கொளத்தூர் மணி கூறியுள்ளார். [விரிவு] »

தேசியத்தலைவருக்கு பிறந்தநாள் வாழ்த்து - கொளத்தூர் மணி @ Yahoo! Video

தளபதி பொன்னம்மான் நினைவிடத்தில் நடைபெற்ற மாவீரர் வீரவணக்க நிகழ்வு

2009-11-28T07:33:00.000-08:00

பதிவு தளத்தில் : http://www.pathivu.com/news/4346/54//d,view.aspx

மீனகம் தளத்தில்: http://www.meenagam.org/?p=17623

தமிழ்வின் தளத்தில்: http://www.tamilwin.com/view.php?22YpNcc3nW34di2h302HQK4d30jF0bN9E2e2ILL3b37GYe

மாவீரர்நாள் வீரவணக்க நிகழ்வு கொளத்தூர் @ Yahoo! Video

தமிழகம், கொளத்தூரில் பெரியார் தி.க. ஏற்பாட்டில் நடைபெற்ற மாவீரர் நாள் நிகழ்ச்சி

[ சனிக்கிழமை, 28 நவம்பர் 2009, 01:46.57 PM GMT +05:30 ]

தமிழீழத்தில் ஆயுதப் போராட்டம் எழுச்சி பெற தொடங்கிய காலத்தில் விடுதலைப்புலிகளுக்கு தமிழகத்தில் அடைக்கலம் தந்த கொளத்தூரில் பெரியார் திராவிடர் கழகத்தின் ஏற்பாட்டில் மாவீரர் வீரவணக்க நிகழ்வு சிறப்பாக நடைபெற்றது.

தமிழீழத்தில் சிங்கள பேரினவாதிகளின் கொடூரங்கள் அதிகரிக்க தொடங்கிய காலமான 1983 இல் தமிழீழ விடுதலைப்போராளிகளுக்கு அடைக்கலம் தந்து அனைத்து உதவிகளை புரிந்த சேலம் மாவட்ட கொளத்தூர் மக்கள் மாவீரர் நாளான 2009 நவம்பர் 27 அன்று தமிழீழ விடுதலைபோராட்டத்தில் வீரச்சாவடைந்த மாவீரர்களுகு பெரியார் திராவிடர் கழகத்தின் ஏற்பாட்டில் வீரவணக்கம் செலுத்தினர்.

நேற்று மாலை சரியாக 6.05 மணியளவில் கொளத்தூர் அருகில் 1983 இலிருந்து 1989 வரை விடுதலைப்புலிகள் பயிற்சி எடுத்த இடத்தில் தளபதி பொன்னம்மான் நினைவாக அமைக்கப்பட்ட "புலியூர் தளபதி பொன்னம்மான் நினைவு நிழற்கூடத்தில்" பெரியார் திராவிடர் கழகத்தின் சேலம் மாவட்டத்தலைவர் செ.மார்ட்டீன் தலைமையேற்க மாவீரர் பாடல்கள் ஒலிக்க வீரவணக்க நிகழ்வு ஆரம்பமானது.

தமிழீழ தேசியத்தலைவர் பிரபாகரன் அவர்களின் பெயர் கொண்ட இரு மாணவர்களும் , பெரியார் திராவிடர் கழகத்தின் தலைவர் கொளத்தூர் மணியின் சகோதர் தா.செ.பழனிச்சாமியும் தீபம் ஏற்றி வீரவணக்க நிகழ்வினை தொடங்கி வைத்தனர்.

கொளத்தூர் பொதுமக்கள் பெண்கள், முதியவர்கள் மற்றும் பெரியார் திராவிடர் கழகத்தினர் திரளாக திரண்டு வந்து வரிசையில் நின்று அமைதியாக தீபம் ஏற்றி மலர் தூவி தங்கள் வீரவணக்கத்தினை செலுத்தினர்.

இந்நிகழ்வினை பெரியார் திராவிடர் கழகத்தின் டைகர் பாலன் சிறப்பாக ஒருங்கிணைத்து நடத்தினார். ஒன்றியத்தலைவர் சூரியகுமார், ஒன்றிய அமைப்பாளர் காவை ஈசுவரன், ஒன்றியச்செயலாளர் காவை இளவரசன், மாவட்ட இளைஞரணிச் செயலாளர் விசயக்குமார், நகரச்செயலாளர் இளஞ்செழியன், காவை சசிக்குமார் ஆகியோர் நிகழ்ச்சி ஏற்பாட்டினை கவனித்தனர்.

முன்னதாக சேலம் கோவிந்தப்பாடி அருகில் "பிரிகேடியர் சு.ப.தமிழ்ச்செல்வன் நகர்" பெயர்ப்பலகையை தோழர்கள் காவை ஈசுவரன் சேலம் டேவிட் ஆகியோர் திறந்து வைத்தனர்.

தந்தை பெரியார் 131 ஆவது பிறந்தநாள் விழா - பொதுக்கூட்டம், சூலூர், கோவை

2009-09-29T02:06:00.000-07:00

கடந்த 22.09.09 அன்று மாலை 6 மணியளவில் சூலூரில் தந்தை பெரியார் 131 ஆவது பிறந்தநாள் விழா - பொதுக்கூட்டம் நடத்தப்பட்டது. இந்த நிகழ்ச்சிக்கு கழகப் பொதுச்செயலாளர் கோவை கு.இராமகிருட்டிணன் தலைமை தாங்கினார். கழகத் தலைவர் கொளத்தூர் மணி அவர்களும், இயக்குநர் சீமான் அவர்களும் சிறப்புரையாற்றினார்கள். நிகழ்ச்சியின் தொடக்கத்தில் மேட்டூர் டி.கே.எஸ். கலைக்குழுவினரின் இசை நிகழ்ச்சி நடைபெற்றது. முன்னதாக திருப்பூர் மாவட்டத் தலைவர் சு.துரைசாமி, ஈரோடு மாவட்டச் செயலாளர் இராம.இளங்கோவன், தலைமை செயற்குழு உறுப்பினர் வெ.ஆறுச்சாமி ஆகியோர் உரையாற்றினர்.

தலைமை உரை நிகழ்த்திய பொதுச்செயலாளர் கோவை இராமகிருட்டிணன் அவர்கள் பேசும் போது,
இன்று தந்தை பெரியார் அவர்களின் 131 ஆவது பிறந்தநாள் விழா நடத்திக் கொண்டிருக்கிறோம். பலர் சொல்லுகிறார்கள் இன்றைய காலகட்டத்தில் பெரியார் இல்லையே என்கிறார்கள். தந்தை பெரியார் நவீன மருத்துவ வசதிகள் இல்லாத காலகட்டத்திலும் 94 ஆண்டுகள் வாழ்ந்தார். தன் வாழ்க்கையையே தமிழ் சமூகத்திற்க்காக அர்ப்பணித்தார். நவீன மருத்துவ வசதிகள் இருந்திருந்தாலும் அவர் 131 ஆண்டுகள் இருந்திருக்க முடியுமா என்று சொல்ல முடியாது. ஆகவே அவர் இல்லையே என்று பேசுவதை விட அவர் கொள்கைகளை, இலட்சியங்களை, விட்டுச் சென்ற பணிகளை செய்வது தான் நாம் அவருக்கு பிறந்தநாள் விழா நடத்துவதன் சரியான பொருளாக அமையும். எவ்வளவு காலம் பெரியார் தேவையென்றால் சாதி ஒழியும் வரை, பெண்ணடிமைத்தனம் ஒழியும் வரை, சமத்துவ சமூகம் மலரும் வரை பெரியார் நமக்குத் தேவைப்படுகின்றார். இன்று ஈழத்திலே மூன்று இலட்சம் தமிழர்கள் முள்வேலிக்குள் அகதிகளாக, அடிமைகளாக வாழ்ந்து கொண்டிருக்கிறார்கள். ஆனால் இந்த நிலைக்குக் காரணமான காங்கிரஸ் கட்சியின் பொதுச்செயலாளர் ராகுல் காந்தி தமிழ்நாட்டுக்கு வந்து இளைஞர்களை சந்தித்து காங்கிரசை வலுப்படுத்தப் போகிறேன்.

அடுத்தமுறை ஆட்சியை பிடிக்கப் போகிறேன் என்று வந்தார். இன்றைய செய்தி என்னவென்றால் அவர் வந்து சென்று எந்தப் பலனும் இல்லை. இளைஞர்களை சேர்க்க முடியவில்லை என்பது தான். இங்கே உங்கள் கனவு என்றுமே பலிக்காது. ஏன் என்றால் இது பெரியார் பூமி. அவர் வாழ்ந்த மண். அவருக்குப் பிறகு தமிழர்களின் வீரம் மிக்க தலைவராக விளங்குகின்ற தம்பி பிரபாகரனை ஏற்றுக் கொண்ட மண். எனவே தான் சொல்லுகிறோம் உங்கள் கனவு பலிக்காது. என்று பேசினார்.

சிறப்புரையாற்றிய கழகத் தலைவர் கொளத்தூர் மணி அவர்கள் பேசும்போது, இன்று நாம் தமிழக மீனவர்கள் சுட்டுக் கொல்லப்படுகிறார்கள், தாக்கப்படுகிறார்கள் என்று பேசுகிறோம். இது எப்போது தொடங்கியது என்றால் விடுதலைப் புலிகள் போராடத் தொடங்கினார்களோ, ஜூலை கலவரம் 1983 ஆம் ஆண்டு தொடங்கியது. அதே ஆண்டு ஆகஸ்ட் 13 தமிழக மீனவர்களை முதன்முறையாக தாக்கினார்கள். அன்றிலிருந்து அவர்கள் சொல்லுகின்ற காரணம் விடுதலைப் புலிகள் பயணிக்கிறார்கள். அவர்களுக்கு ஆயுதங்கள், எரிபொருட்கள் கடத்துகிறார்கள் என்பது தான். ஆனால் இப்போதும் தாக்குவதற்கு என்ன காரணம் என்பதை நாம் இப்போது யோசிக்க வேண்டும். அவர்களுடைய கூற்றுப்படி புலிகள் இயக்கம் அழிந்தது, பிரபாகரன் மறைந்தார் என்கிறார்கள். தமிழக முதல்வரோ அங்கே சகஜ நிலை திரும்பிவிட்டது என்கிறார். ஆனால் இப்போதும் தாக்கிக் கொண்டுதான் இருக்கிறார்கள். இதே இந்திய மீனவர்களை பாகிஸ்தானில் உள்ள சில ஆயுதக் குழுக்கள் தாக்கினார்கள். அதற்கு பாராளுமன்றத்திலே பாகிஸ்தான் மீது போர் தொடுக்க வேண்டும் என்கிறார்கள். தமிழக மீனவர்களில் ஐந்நூறு பேரை சுட்டுக் கொன்று, இப்போதும் தாக்குதல் நடத்திக் கொண்டிருக்கும் இலங்கையின் அரச படைகளை கண்டிக்கக்கூட இந்தியா முன்வரவில்லை. பாராளுமன்றத்தில் குரல் கொடுக்க யாரும் தயார் இல்லை. இந்த நாட்டில் நாம் தான் நம்மை இந்தியர் என்று கருதிக் கொண்டிருக்கிறோம். அவர்கள் நம்மைத் தமிழர்கள் என்று தான் பார்க்கிறார்கள். நாம் மட்டும் ஏன் நம்மை இந்தியர் என்று கருதிக்கொள்ள வேண்டும் என்பது தான் நாம் தந்தை பெரியார் பிறந்தநாள் விழாவில் சிந்திக்க வேண்டிய செய்தி.
ஈழத்தில் முள்வேலிக்குள் மூன்று இலட்சம் தமிழர்கள் அடைக்கப்பட்டிருப்பதைப் பற்றி பேசும் போது இங்கு நம் கண் முன்னால் தமிழ்நாட்டில் செங்கல்பபட்டு சிறப்பு முகாமில் ஈழத்தமிழ் அகதிகள் சிறை வைக்கப்பட்டிருக்கிறார்கள். அங்கு இருப்பவர்கள் ஏதோ வழக்கில் இருப்பவர்கள் என்று நினைக்க வேண்டாம். வழக்கை முடித்தவர்கள், விடுதலையானவர்கள், பிணையில் இருப்பவர்கள் ஆகியோர் அடங்குவர். இவர்கள் எந்த விசாரணையும் இல்லாமல் ஆண்டுக் கணக்கில் அடைத்து வைக்கப்பட்டிருக்கிறார்கள். தமிழ்நாட்டின் எல்லா சிறப்புகளையும் தொடங்கி வைக்கும் கலைஞர் தான் இந்த சிறப்பு முகாம்களையும் தொடங்கினார். கொடுமைக்காரி ஜெயலலிதா என்று சொல்லப்படுகிற அந்த அம்மையார் கடந்த முறை 2001ல் ஆட்சிக்கு வந்தவுடன் சிறப்பு முகாமில் உள்ளவர்களின் எண்ணிக்கையை 6 ஆக குறைத்தார். ஆனால் நம் தமிழினத் தலைவர் ஆட்சிக்கு வந்த பிறகு எண்ணிக்கை 100 ஆக உயர்த்தி விட்டார். ஈழத்தமிழர்கள் தான் இந்த நிலையில் இருக்கிறார்கள் என்று பார்த்தல் தமிழ்நாட்டு தமிழர்களும் சிறைச்சாலைகளில் உரிய தண்டனைக்காலம் முடிந்த பிறகும் கூட ஏதேதோ பிரிவுகளைக் காட்டி ஆண்டுக்கணக்கில் அடைத்து வைக்கப்பட்டிருக்கிறார்கள். இதற்க்கெல்லாம் நாம் கேள்வி கேட்க வேண்டும். போராடத் துணிய வேண்டும். என்று பேசினார்.

நிகழ்ச்சியின் முக்கிய நிகழ்வாக நாகர்கோவில் மாவட்டத்திலிருந்து முப்பது தோழர்கள் திராவிடர் கழகத்திலிருந்து பிரிந்து பெரியார் திராவிடர் கழகத்தில் இணைகிறார்கள். அதன் அடையாளமாக தோழர் பிலிஸ்து அவர்களும், தோழர் ரெஜின் ரோஸ் அவர்களும் பொதுக்கூட்ட மேடையில் கழகத் தலைவர் மற்றும் பொதுச்செயலாளர் முன்னிலையில் கழகத்தில் இணைந்தனர். அவர்களுக்கு பொன்னாடை அணிவிக்கப்பட்டது. மேலும் ஈழத்தமிழினப் படுகொலையைத் தடுக்கும் நோக்கில் இராணுவ வாகன மறியலில் ஈடுபட்டு சிறை சென்ற தோழர்களுக்கு சிறப்பு செய்யப்பட்டது. இறுதியாக நாம் தமிழர் அமைப்பின் சீமான் உரையாற்றினார்.

நிகழ்ச்சிக்காக கடந்த இருபது நாட்களாக சூலூர் ஒன்றிய கழகத் தோழர்கள் சூ.இரா.பன்னீர்செல்வம், கலங்கல் வேலுச்சாமி, அகில் குமரவேல், முனியப்பன், திலீபன், ஆட்டோ தேவா, சண்முகசுந்தரம், சரவணகுமார், இருகூர் கோடிநாதன், திருநாவுக்கரசு, காளப்பட்டி ஜெயபிரகாசு, அம்பேத்கர், சிங்கநல்லூர் மூர்த்தி, பாலா, பல்லடம் வடிவேல், சின்னச்சாமி, மணி மற்றும் சூலூர் வீரமணி ஆகிய தோழர்கள் கடுமையாக உழைத்தனர்.

இலங்கைக்கு சென்ற வேளாண் விஞ்ஞானிகளை கண்டித்து ஆர்ப்பாட்டம் – பெரியார் திகவினர் 30 பேர் கைது

2009-09-21T06:05:00.000-07:00

இலங்கை அரசின் வடக்கின் வசந்தத்துக்காக சிறிலங்கா சென்ற வேளாண் விஞ்ஞானிகளை கண்டித்து ஆர்ப்பாட்டம் நடத்திய பெரியார் திராவிடர் கழக பொதுச்செயலாளர் உட்பட 30 பேர் தமிழக காவற்துறையால் கைது செய்யப்பட்டுள்ளனர்.

தமிழினத்தினை இலங்கையில் இல்லாதொழிக்கும் வகையிலான சிங்கள அரசின் வடக்கின் வசந்தம் திட்டத்துக்காக இலங்கை சென்றுள்ள தமிழகத்திலுள்ள கோவை வேளாண்மை பல்கலைக்கழக விஞ்ஞானி முருகேசன் தலைமையிலான குழுவினரைக்கண்டித்து பெரியார் திராவிடர் கழக பொதுச்செயலாளர் கோவை கு.இராமகிருட்டிணன் தலைமையில் கோயம்பத்தூர் வேளாண் பல்கலைக்கழகம் முன்பாக இன்று மாலை 4.30 மணியளவில் ஆர்ப்பாட்டம் நடைபெற்றுள்ளது.

ஆர்ப்பாட்டத்தில் சிறிலங்கா அரசைக்கண்டித்தும் , வடக்கின் வசந்தம் திட்டத்தினை எதிர்த்தும் , இலங்கை சென்றுள்ள தமிழக விஞ்ஞானிகளை கண்டித்தும் முழக்கங்கள் எழுப்பப்பட்டுள்ளது.

தடையை மீறி ஆர்ப்பாட்டம் செய்ததற்காக பெரியார் திராவிடர் கழக பொதுச்செயலாளர் கோவை கு.இராமகிருட்டிணன், தமிழ்நாடு மாணவர் கழக பொறுப்பாளர் ந.பன்னீர்செல்வம் உட்பட 30 பேர் தமிழக காவற்துறையினரால் கைது செய்யப்பட்டுள்ளனர்.

தந்தை பெரியார் 131வது பிறந்தநாள் நெல்லையில்

2009-09-17T09:12:00.000-07:00

தந்தை பெரியாரின் 131வது பிறந்த நாளான இன்று திருநெல்வேலி பாளையங்கோட்டை தந்தை பெரியார் சிலைக்கு தலைமைக்கழக உறுப்பினர் பால்.பிரபாகரன் தலைமையில் மாலை அணிவிக்கப்பட்டது.

பாளையங்கோட்டை பெரியார் சிலையின் பராமரிப்பாளர்களான பெரியார் திராவிடர் கழகத்தின் தருண் வீடியோஸ் மற்றும் பெரியார் திகவின் நெல்லை மாவட்டச்செயலாளர் சி.ஆ.காசிராசன் , நெல்லை ராசா ஆகியோர் நேற்று இரவு தந்தை பெரியாரின் சிலைக்கு வண்ணம் பூசிவிட்டு நெல்லை முழுவதும் சுவரொட்டியை ஒட்டினார்கள்.

தூத்துக்குடியில் மாநகர செயலாளர் பால்.அறிவழகன் , மாவட்ட துணைச்செயலாளர் க.மதன் ஆகியோர் காலை 3 மணி வரை தூத்துக்குடி முழுவதும் தந்தை பெரியார் பிறந்த நாள் சுவரொட்டிகளை ஒட்டினார்கள்.

சுவரொட்டியில் " தந்தை பெரியாரின் 131 வது பிறந்த நாளான இன்று பெரியாரின் எழுத்துக்களையும் பேச்சுக்களையும் அடித்தளமக்களிடத்தில் கொண்டு செல்ல உறுதி ஏற்போம்" என்ற வாசகம் இடம்பெற்றிருந்தது.

இன்று காலை 10 மணியளவில் பாளையங்கோட்டை பெரியார் சிலை மாலை அணிவகுப்பு நிகழ்வில் நெல்லை மாவட்டச்செயலாளர் சி.ஆ.காசிராசன், தூத்துக்குடி மாவட்டத்தலைவர் பொறிஞர் சி.அம்புரோசு,தூத்துக்குடி மாவட்டச்செயலாளர் கோ.அ.குமார் ,தூத்துக்குடி மாநகர துணைத்தலைவர் ரவிசங்கர்,தூத்துக்குடி மாநகர துணைச்செயலாளர் கனகராசு, தூத்துக்குடி மாநகர பொருளாளர் அகரன் , நெல்லை ராசா மற்றும் திரளான தோழர்கள் கலந்துகொண்டனர்.

முள்வேலிக்குள் தமிழினம் பார்த்தும் உணர்வில்லையா…?

2009-09-10T01:35:00.000-07:00

ஈழத்தமிழர்களின் துயர் துடைக்க தமிழகத்திலுள்ள தூய சவேரியர் பள்ளியில் “முள்வேலிக்குள் தமிழினம் பார்த்தும் உணர்வில்லையா…?” என்ற தலைப்பில் கருத்தரங்கம் நடைபெற்றுள்ளது.

நேற்று முன்தினம் செவ்வாய்க்கிழமை (08.09.2009) அன்று மாலை 3.30 மணியளவில் தூத்துக்குடியிலுள்ள தூய சவேரியர் மேனிலைப்பள்ளியில் நடைபெற்ற இக்கருத்தரங்கத்தில் ஆரம்ப நிகழ்வாக இலங்கை அரச பயங்கரவாதத்தால் கொல்லப்பட்ட தமிழர்களுக்கு மெழுகுவர்த்தி ஏற்றி அஞ்சலி செலுத்தப்பட்டது.

பள்ளி மாணவர் ரமேஷ் என்பவர் இறைவணக்கப் பாடல் பாடினார். ஆசிரியர் கில்பர்ட் வரவேற்புரையாற்றி ஈழப்போரில் இறந்த மக்களுக்கு அஞ்சலி செலுத்தினார். ஆசிரியர் காலின்ஸ் ஈழமக்கள் பிரச்சினை பற்றிய கவிதை ஒன்றை வாசித்தார்.

ஆசிரியர் ஹென்றி மற்றும் குழுவினர் ” தோல்வி நிலையென நினைத்தால் வாழ்வை மனிதன் நினைக்கலாமா” பாடலின் வரிகளை சிறிது மாற்றி ஈழமக்களின் பிரச்சினையையும் உணர்வினையும் வெளிப்படுத்தும் வகையில் உணர்வுப்பூர்வமாக இசையமைத்து பாடினார்.

பின்னர் சிறப்புரையாற்றிய பெரியார் திராவிடர் கழகத்தின் தலைமை செயற்குழு உறுப்பினர் பால்.பிரபாகரன் தனது உரையில் பள்ளி மாணவர்களுக்கு ஈழப்பிரச்சினை புரியும் வகையில் பழைய வரலாற்றினை எடுத்துக்கூறி ஈழம் தமிழரின் தாயகம் என்பதை தெளிவாக விளக்கப்படுத்தினார்.

விடுதலைப்புலிகள் ஆயுதம் தூக்கியது ஏன் என்றும் , அகிம்சை போராட்டம் என்றால் என்னவென்றும் காந்தி தேசத்துக்கே உண்ணாநிலைப்போராட்டம் என்றால் என்னவென்று எடுத்துக்காட்டிய தியாக தீபம் திலீபன் பற்றியும், தமிழீழத்தேசியத்தலைவரின் மனிதாபிமானம் பற்றியும், முள்வேலிக்குள் சிக்கித்தவிக்கும் தமிழர்கள் பற்றியும், பதுங்குகுழிக்குள் அமர்ந்து தேர்வெழுதிய பள்ளி மாணவர்கள் பற்றியும் பள்ளி மாணவர்களுக்கு தெளிவாக புரியும் வண்ணம் உரையாற்றினார்.

பின்னர் அப்பள்ளியின் தலைமையாசிரியர் நிறைவுரையாற்ற ஆசிரியர் மரியதாஸ் நன்றியுரையாற்றினார்.

VIDEO - பெரியாரிய குடும்ப வாழ்க்கை துணைநல ஒப்பந்த விழா

2009-09-07T01:08:00.000-07:00

வாழ்க்கைத்துணைநல ஒப்பந்தவிழா காணொளி

இணையர்கள்:

ச.கோமதி - சி.ஆ.காசிராசன்

(நெல்லை மாவட்டச்செயலாளர், பெரியார் திராவிடர் கழகம்; மாவட்ட பொருளாளர்,தமிழக கட்டிட தொழிலாளர்கள் பொதுநல மத்திய முன்னேற்ற சங்கம்)

தலைமையேற்றவர் :

நெல்லை S.மகாலிங்கம்
(மாநிலத்தலைவர் , தமிழக கட்டிட தொழிலாளர்கள் பொதுநல மத்திய முன்னேற்ற சங்கம்)

விழாவினை நடத்திவைப்பவர் :

கொளத்தூர் தா.செ.மணி
(தலைவர் , பெரியார் திராவிடர் கழகம்)

இடம் : சோனா மகால், கோட்டூர் சாலை, பாளையங்கோட்டை.

நாள்: 06.09.2009 ஞாயிறு காலை 9.00 மணி

பெரியாரிய துணைநல ஒப்பந்த விழா - கொளத்தூர் மணி உரை

நிகழ்வில் பெரியார் திராவிடர் கழகத்தின் தலைமைக்கழக உறுப்பினர்கள் தூத்துக்குடி பால்.பிரபாகரன், திண்டுக்கல் தாமரைக்கண்ணன், தோழர்கள் மேட்டூர் முத்துராசு, கொடுமுடி பாண்டி, மதுரை தோழர்கள் வெண்மணி, தமிழ்பித்தன், முருகேசன், சேகர், சின்ன உடைப்பு பெரியசாமி மற்றும் தூத்துக்குடி , திருநெல்வேலி தோழர்களும், ஆதித்தமிழர் பேரவை, புரட்சிகர இளைஞர் முன்னணி தோழர்களும் திரளாக கலந்துகொண்டனர்.

இணையர்களுடன் பெரியார் திராவிடர் கழகத்தலைவரும் தோழர்களும்

தலைமையேற்ற நெல்லை S.மகாலிங்கம்
(மாநிலத்தலைவர் , தமிழக கட்டிட தொழிலாளர்கள் பொதுநல மத்திய முன்னேற்ற சங்கம்)

பேராசிரியர் தொ.பரமசிவன்
( முன்னாள், தமிழ்துறை தலைவர் , மனோன்மணியம் சுந்தரனார் பல்கலைக்கழகம்)

பெரியாரிய குடும்ப துணைநல ஒப்பந்த விழா

2009-09-02T22:42:00.000-07:00

வாழ்க்கைத்துணைநல ஒப்பந்தவிழா அழைப்பிதழ்

இணையர்கள்:

சி.ஆ.காசிராசன் - ச.கோமதி

விழாவினை நடத்திவைப்பவர் :

கொளத்தூர் தா.செ.மணி

(தலைவர் , பெரியார் திராவிடர் கழகம்)

இடம் : சோனா மகால், கோட்டூர் சாலை, பாளையங்கோட்டை.

நாள்: 06.09.2009 ஞாயிறு காலை 9.00 மணி

பெரியார் திராவிடர் கழகத்தின் நெல்லை மாவட்டச்செயலாளரும் தலைமைக்கழக உறுப்பினருமான சி.ஆ.காசிராசன் அவரது துணைநல ஒப்பந்த விழாவிற்கு அனைத்து தமிழுணர்வாளர்களையும் பெரியார் பாசறை வலைப்பூவின் வழியாகவும் தூத்துக்குடி , திருநெல்வேலி பெரியார் திராவிடர் கழகத்தின் சார்பாகவும் அழைக்கிறோம்.

தொடர்புக்கு :

+91 98650 13393 - தூத்துக்குடி பால்.பிரபாகரன், தலைமை செயற்குழு உறுப்பினர், பெரியா திராவிடர் கழகம்.

+91 97914 26240 - நெல்லை ராசா, பெரியார் திராவிடர் கழகம், திருநெல்வேலி.

முள்வேலிச்சிறையிலிருக்கும் மக்களை காக்கக்கோரி கண்ணைக்கட்டி வாகன ஓட்டும் பிரச்சாரம்

2009-08-24T01:51:00.000-07:00

புலிகள் மீதான தடையை நீக்கக்கோரியும் முள்வேலியில் இருக்கும் தமிழர்களை சொந்த வீடுகளுக்கு அனுப்ப வலியுறுத்தியும் போர்குற்றவாளி இராஜபக்சேவை தண்டிக்கக்கோரியும்
பெரியார் திராவிடர் கழகத்தின் தூத்துக்குடி மாநகர செயலாளர் பால்.அறிவழகன் கரூர் நகரில் கண்ணைக்கட்டி வாகனம் ஓட்டி பிரச்சாரம்.

பொய் பரப்பும் தி.க. தலைமைக்கு மறுப்பு

2009-08-19T04:23:00.000-07:00

பொய் பரப்பும் தி.க. தலைமைக்கு மறுப்பு

மலேசியா, சிங்கப்பூர் தமிழர்களுக்கு கழகம் எழுதிய கடிதம், இதோ!

‘குடிஅரசில் பெரியாரின் எழுத்து-பேச்சு தொகுப்புகள் தொடர்பாக கழகம் அறிவித்த, முன் வெளியீட்டுத் திட்டம் குறித்து - மலேசியா, சிங்கப்பூரிலுள்ள பெரியாரியல்வாதிகளுக்கு கழகத் தலைவர் கொளத்தூர் மணி கடிதம் எழுதினார். கழகத்தின் இணையதளத்திலும் இக் கடிதம் வெளியிடப்பட்டது. ஏதோ கி.வீரமணிக்கு எதிராக வெளிநாட்டில் வாழும் தமிழர்களுக்கு கழகம் கடிதங்களை எழுதியதாகவும், அதன் காரணமாகத்தான் கி.வீரமணி, இப்போது நீதிமன்றம் வரை வந்ததாகவும் ஒரு தவறான பிரச்சாரம் தி.க. வட்டாரத்தில் பரப்பப்படுகிறது.

‘நக்கீரன்’ வார ஏடும் இதையே கி.வீரமணிக்கு ஆதரவாக செய்தியாக வெளியிட் டிருக்கிறது. உண்மையில் கழகத் தலைவர் எழுதிய கடிதத்தில் தி.க. வீரமணி பற்றி எந்தக் குறிப்பும் இடம் பெறவில்லை. தங்களது ‘அடாவடி’ நடவடிக்கைகளை நியாயப்படுத்தவே உண்மைக்கு மாறான பிரச்சாரத்தில் தி.க. தலைமை இறங்கி யுள்ளது. கழகத் தலைவர் கொளத்தூர் மணி, மலேசியா, சிங்கப்பூரிலுள்ள பெரியாரியல்வாதிகளுக்கும், தமிழின உணர்வாளர்களுக்கும் எழுதிய கடிதத்தை அப்படியே இங்கு வெளியிடுகிறோம்.

அன்புடையீர் வணக்கம்.

தமிழர்களின் உரிமைகளுக்காக தனது வாழ்நாள் முழுவதும் போராடிய தந்தை பெரியாரின் கொள்கைகள் தமிழ்நாட்டில் மேலும் தீவிரமாகக் கொண்டு செல்ல வேண்டும் என்பதற்காக துடிப்பும் சமூக அக்கறையும் கொண்ட இளைஞர்களைக் கொண்டு, பெரியார் திராவிடர் கழகம் என்ற அமைப்பை தமிழ்நாட்டில் நாங்கள் நடத்தி வருகிறோம்.

1925 ஆம் ஆண்டிலிருந்து பெரியார் பேசியும், எழுதியும், போராடியும் - தமிழர்களுக்காக உழைத்திருக்கிறார். அவரது பேச்சுகள், எழுத்துகள் பெரியார் 1925 இல் தொடங்கி “குடிஅரசு” வார ஏட்டில் தொடர்ந்து வெளி வந்திருக்கின்றன.

ஆனால் - வேதனை என்னவென்றால் காந்தியடிகள், அம்பேத்கர் போன்ற தலை வர்களின் எழுத்துகள், பேச்சுகள் முழுமையாக ஆண்டுவாரியாக தொகுக்கப்பட்டு வெளிவந்ததுபோல், பெரியாரின் கருத்துகள் வெளிவராமலே போய்விட்டது.

இப்போது இந்த முயற்சியில் “பெரியார் திராவிடர் கழகம்” தன்னை ஈடுபடுத்திக் கொள்ள முன்வந்திருக்கிறது. இதற்கான “குடிஅரசு” இதழ்களை எல்லாம், தமிழகம் முழுதுமிருந்தும் அரும்பாடுபட்டு திரட்டியிருக்கிறோம். முதல் கட்டமாக 1925 லிருந்து 1938 முடிய 14 ஆண்டுகளாக வாரம் தோறும் வெளிவந்த “குடிஅரசு” இதழ்களில் பெரியார் எழுதிய கட்டுரைகள், அவரது பேச்சுகளை ஆண்டுவாரியாக தொகுத்து வெளியிடும் பெரும் முயற்சியில் இறங்கியுள்ளோம்.

20.12.1929 முதல் 10.1.1930 முடிய மலாயா நாட்டில் சிங்கப்பூர் உட்பட பல்வேறு பகுதிகளில் பயணம் செய்து அகில மலாயாதமிழர் மகாநாடு உட்பட 40 இடங்களில் உரையாற்றியமை போன்ற பல்வேறு அரிய செய்திகளும் இதில் அடக்கம் என்பது குறிப்பிடத்தக்கதாகும். மிகவும் பொருட் செலவு உள்ள, கடுமையான முயற்சிகள் தேவைப்படும் திட்டம் இது என்பது உங்களுக்குத் தெரியும்.

1925 லிருந்து 1938 முடிய பெரியார் கருத்துகளை தொகுத்தபோது 400 பக்கங் களுக்கும் கூடுதலாகக் கொண்ட 27 தொகுதிகள் வருகின்றன. இதில் இலாப நோக்க மின்றி அடக்க விலையிலேயே முன் பதிவுத் திட்டத்தின் கீழ் வெளியிடப்படும். இதற்காக 40 லட்சம் ரூபாய் வரை நாங்கள் செலவிட வேண்டியிருக்கிறது. இந்த நிலையில் தான் இந்தப் பெரும்பணியின் தேவையையும், அவசியத்தையும் உணர்ந்த தங்களைப் போன்றோரின் உதவியை நாங்கள் நாடி, இக்கடிதத்தை எழுதுகிறோம்.

6 மாத காலத்துக்கு வட்டி இல்லாத கடனாகவோ அல்லது தாங்கள் விரும்பினால் நன்கொடையாகவோ அளித்து உதவ முன் வந்தால், எங்களுக்கு பேருதவியாக அமையும். ஆகஸ்ட் மாத இறுதிக்குள் தயாரிப்புப் பணிகளை முடித்து பெரியார் பிறந்த நாளான செப்.17 இல் தொகுப்புகள் வெளிவர இருக்கின்றன என்பதையும், தங்களின் மேலான கவனத்துக்குக் கொண்டு வருகிறோம். நமது சமுதாயத்தின் எதிர்கால இளந்தலைமுறைக்கு தமிழர்கள் கடந்து வந்த போராட்டப் பாதைகளையும், நமது சமூக வரலாற்றையும் புரிந்து கொள்வதற்கு, நாம் விட்டுச் செல்லும் அழிக்க முடியாத சொத்தாக இந்தப் பணி திகழும் என்று கருதுகிறோம்.

தங்களின் பங்களிப்பையும் எதிர்நோக்கி, இந்த மடலை விடுக்கிறோம். தங்களின் பதிலை ஆவலோடு எதிர்பார்க்கிறோம்.

மலேசிய தி.க. தலைவர் ரெ.சு. முத்தையாவுக்கு மட்டும் தனியாக விரிவான கடிதத்தை கழகத் தலைவர்

கொளத்தூர் மணி எழுதினார். அந்தக் கடிதம் இதுதான்.

மதிப்பிற்குரிய அய்யா, வணக்கம்.

உங்களிடம் ஒரு வேண்டுகோளை முன்வைக்கவே இக்கடிதம் எழுதலானேன். முதலில் எங்களைப் பற்றி சிறு அறிமுகம் செய்து கொள்ள விரும்புகிறேன்.

உயர்நிலைப் பள்ளி நாட்களிலேயே பெரியாரிடம் ஈடுபடுத்திக் கொண்ட நான் 1970 முதல் திராவிடர் கழகத்தில் நேரடியாக இணைந்து, 1978 முதல் சேலம் மாவட்ட செயலாளராகவும், 1984 முதல் மாநில அமைப்பு செயலாளராகவும் செயல்பட்டு வந்தவன் ஆவேன்.

2000 ஆண்டின் இறுதியில், சந்தன வீரப்பனால் சிறை வைக்கப்பட்டிருந்த கன்னட நடிகர் இராஜ்குமார் மீட்புக்கென அரசு அனுப்பிய தூதுக் குழுவில் சென்ற காரணத்தாலும் (அப்போது தி.மு.க. அரசு - திராவிடர் கழகத் தலைமை ஜெயலலிதா ஆதரவு நிலை எடுத்திருந்தது) முதல்வர் கலைஞரை நேரில் சந்தித்ததாலும் வெளியேற்றப்பட்டேன்.

பல்வேறு காலகட்டங்களில் வெளியேற்றப்பட்ட (அ) வெளியேறிய பலர் பெரியாரை ஏற்றுக் கொண்டபின் வேறு வழியில் இயங்க முடியாமல் தமிழ்நாடு திராவிடர் கழகம், பெரியார் திராவிடர் கழகம் என்ற பெயர்களில் இயங்கி வந்த திருவாரூர் தங்கராசு, ஆனூர் ஜெகதீசன், வழக்கறிஞர் துரைசாமி போன்ற பல மூத்த தலைவர்களின் வழிகாட்டுதலில் அவர்களும் இணைந்து, என்னைத் தலைவராக வும், விடுதலை க.இராசேந்திரன், கோவை கு. இராம கிருட்டிணன் ஆகியோரை பொதுச்செயலாளராகவும் கொண்டு “தந்தை பெரியார் திராவிடர் கழகம்” என்ற பெயரில் “பெரியார் காலத்திய தமிழ்நாட்டை உருவாக்குவோம்” என்ற முழக்கத்தை முன் வைத்து 11.06.2001 இல் புதிய இயக்கம் கண்டோம்.

பெரியாரியலில் ஆழ்ந்த பிடிப்பும், அதை செயற்படுத்துவதில் மிக்க துடிப்பும், அதற்கென இழப்புகளையும் இடர்பாடுகளையும் பொருட்படுத்தாத துணிவும் கொண்ட எளிய உறுதியான இளம் தொண்டர்களுடன் பெரு வீச்சுடன் தற்போது “பெரியார் திராவிடர் கழகம்” என்ற பெயருடன் இயங்கி வருகிறோம்.

இந்த ஏழாண்டு கால இடைவெளியில்,

• அனைத்து சாதியினரும் அர்ச்சகராகும் உரிமை வேண்டும் என்ற கோரிக்கைக்காக காஞ்சி காமாட்சி அம்மன் கோவில் நுழைவுப் போராட்டத் தில் 865 பேர் கைதானது.

• வேத சோதிடக் கல்வியை மதுரை பல்கலைக் கழகத்தில் நுழைந்ததை எதிர்த்து பஞ்சாங்க எரிப்பு போராட்டத்தை நடத்தி அப்பாடத் திட்டத்தை நிறுத்தியது.

• அறநிலையத் துறையில் பெண்களை நியமிக்காதிருந்த போக்கை எதிர்த்து உயர்நீதிமன்றத்தில் வழக்காடி 23 பெண்களை முதல் கட்டத்தில் பணியமர்த்தச் செய்தமை.

• தனியார் துறையில் இடஒதுக்கீட்டை விளக்கி தமிழகத்தில் முதன்முதலாக தமிழகம் தழுவிய பரப்புரை பயணத்தை நடத்தியமை.

• பெரும்பகுதி தமிழகத்தில் இருப்புப் பாதைகள் இருந்தும் கேரளத்தில் தலைமை இடம் இருந்ததால் தமிழக திட்டங்கள் புறக்கணிக்கப்படுவதால், தொடர் போராட்டங்களை எடுத்து சேலம் தொடர் வண்டிக் கோட்டம் அமையச் செய்தமை.

• பிற்படுத்தப்பட்டோருக்கு மத்திய அரசு கல்வி நிறுவனங்களில் 27 சதவீத இட ஒதுக்கீடு கோரி பரவலான பரப்புரைகளும், அதில் தடைபடுத்த பரிந்துரைத்த வீரப்ப மொய்லி அறிக்கை எரிப்பு போராட்டத்தில் மார்க்சிய பெரியாரிய பொதுவுடமைக் கட்சியுடன் இணைந்து போராடி சுமார் 2000 தோழர்கள் சிறைபட்டமை.

• இலங்கைத் தமிழர்களைக் கொல்லும் சிங்கள படைக்கு தமிழ்நாட்டில் பயிற்சி அளிப்பதை எதிர்த்து போராடி வெளியேற்றியதோடு.

• சிங்கள அரசுக்கு இராணுவ உதவி செய்யும் இந்திய அரசைக் கண்டித்து சுமார் 600 தோழர்கள் இந்திய தலைநகர் டில்லி சென்று காயக்கட்டு ஊர்வலமும், ஆர்ப்பாட்டமும் நடத்தி பாதுகாப்பு அமைச்சரிடம் நேரில் சந்தித்து விளக்கி திரட்டப்பட்ட பல இலட்சம் கண்டன கையெழுத்துகளைக் கையளித்தமை.

• திராவிடர் கழகம் நிறுவிய சீரங்கம் பெரியார் சிலை மதவெறி அமைப்பினரால் சேதப்படுத்தப்பட்டபோது, தமிழகமெங்கும் பூணூல் அறுப்புகளும், பார்ப்பன மடங்கள் தாக்கப்படும் நூற்றுக்கணக்கான தோழர்கள் சிறைப்படுத்தப்பட்ட தோடு, ஏழு தோழர்கள் மீது ஓராண்டு வெளியே வர முடியாத தேசியப் பாதுகாப்பு சட்டத்தில் கைதானது - உயர்நீதிமன்றத்தில் வழக்காடி தேசியப் பாதுகாப்பு சட்டத்தை உடைத்தது -

• தீண்டாமையின் கொடிய வெளிப்பாடாய் தமிழகத்தின் சில சிற்றூர்களின் தேனீர் கடைகளில் நடைமுறையில் இருந்த தனிக்குவளை முறையை எதிர்த்து, தனிக்குவளைகளை உடைத்து சுமார் 1000 பேர் கைதானமை -

• சாதியும், இன ஒதுக்கலே என வலியுறுத்தி வீதிகளில் இறங்கிப் போராடிய தோடு மட்டுமின்றி, தென்னாப்பிரிக்காவில் டர்பன் நகரில் நடைபெற்ற ஐ.நா. இணை மாநாட்டில் கழகப் பொதுச் செயலாளர் விடுதலை இராசேந்திரன் கலந்து கொண்டு வலியுறுத்தியமை -

• மாவட்டங்கள் தோறும் மூட நம்பிக்கை ஊர்வலங்களோடு நாத்திகர் விழாக்களை நடத்தியது போன்ற தொய்வில்லா செயல்பாடுகளின் ஊடாகவே பெரியாரியலைப் பரப்பவும், பல குழப்பங்களைத் தெளிவாக்கவும் சுமார் 40க்கும் மேற்பட்ட நூல்களையும், “சோதிடப் புரட்டு” என்ற 570 பக்கங்களைக் கொண்ட அரிய ஆய்வு நூலையும் வெளியிட்டுள்ளோம்.

அதிலும் குறிப்பாக, தமிழர்களின் வரலாற்றில், வாழ்வியலில், சிந்தனையில் பெரும் தாக்கத்தை ஏற்படுத்தியதும், பெரியாரால் 1925 இல் தொடங்கப்பட்டு சுமார் 25 ஆண்டுகாலம் நடத்தப்பட்டதுமான “குடிஅரசு”, “புரட்சி”, “பகுத்தறிவு” ஆகிய இதழ்களில் பதிவாகியுள்ள பெரியாரின் பேச்சுகளும், எழுத்துகளும் சுமார் 80 ஆண்டுகள் கழித்த நிலையிலும் மக்களிடம் முழுமையாக போய் சேராமல் புதைந்து கிடந்த நிலையை மாற்ற 1925, 1926 ஆகிய ஆண்டுகளின் இதழ்களைத் தொகுத்து மொத்தத்தில் சுமார் 1000 பக்கங்கள் கொண்ட மூன்று தொகுதிகளை ஏற்கனவே வெளியிட்டும் உள்ளோம்.

தமிழக சமுதாய இயல் போக்கையே புரட்டிப் போட்ட சுயமரியாதை இயக்கம் முழு வீச்சுடன் இயங்கிய 1925 முதல் 1938 முடிய உள்ள காலத்தில் “குடிஅரசு” ஏட்டில் வெளி வந்துள்ள பெரியாரின் எழுத்துகளையும், பேச்சுகளையும், ஏற்கனவே வெளியிட்ட தொகுதிகளில் வெளி வராது. இப்போது புதிதாக கிடைத்துள்ள சுமார் 150 பக்க புதிய இணைப்புகளுடனும் சுமார் 400 பக்கங்களைக் கொண்ட 27 தொகுதியாக பெரியாரின் 130 ஆவது பிறந்த நாளை 17.9.2008 அன்று வெளியிட உள்ளோம்.

அதே நாளில் 7.11.1928 இல் தொடங்கி சுமார் 55 இதழ்கள் மட்டுமே வெளிவந்த ‘ரிவோல்ட்’ எனும் ஆங்கில வார ஏட்டில் வெளியாகியுள்ள பெரியார், எஸ்.இராம நாதன், நாகர்கோயில் பி.சிதம்பரம், குத்தூசி குருசாமி, டாக்டர் முத்துலட்சுமி ரெட்டி முதலிய அறிஞர்களின் தேர்ந்தெடுத்த கட்டுரைகளைத் தொகுத்து சுமார் 800 பக்கங்கள் கொண்ட நூல் ஒன்றையும் வெளியிட உள்ளோம்.

சுமார். ரூ.5800 விலையுள்ள அந்நூற் தொகுதிகளை ரூ.3500 என முன் வெளியீட்டு விலையாக முடிவு செய்துள்ளோம். இந்த எளிய பெரியார் தொண்டர்களின் தோள்களுக்குத் தாங்க முடியாத பெருஞ்சுமையான இந்நூல் வெளியீட்டில் நீங்களும், அங்குள்ள பெரியாரியல் சிந்தனையாளர்கள், தமிழ் இன உணர்வாளர்கள், பொதுநல சிந்தனையாளர்களும், பெரும் அளவிலான முன் பதிவுகள், இயன்ற அளவு நன்கொடைகள் வழியாக ஊக்குவிக்கவும், உதவவும் வேண்டுமாறு அன்புடன் கேட்டுக் கொள்கிறோம்.

- புரட்சிப்பெரியார் முழக்கம்

படியுங்கள் சமூக நீதி இதழ் "புரட்சிப்பெரியார் முழக்கம்"

“புரட்சிப் பெரியார் முழக்கம்” ஆண்டு நன்கொடை ரூ.150/-

தொடர்புக்கு: ஆசிரியர், 29, பத்திரிகையாளர் குடியிருப்பு, திருவள்ளுவர் நகர், திருவான்மியூர், சென்னை-41.

+919840940400

தென் மாவட்ட தொடர்புக்கு :

திருநெல்வேலி : +91 98435 03690

தூத்துக்குடி : +91 93633 11618

மேட்டூரில் தொழிலாளர் கழக பெயர் பலகை திறப்பு விழா- கொடியேற்று விழா

2009-08-15T05:39:00.000-07:00

பெரியார் தொழிலாளர் கழகம்
(பதிவு எண். SLM 413/ERD/ 5-12-2006)
பெரியார் படிப்பகம்,
பேருந்து நிலையம் அருகில்
மேட்டூ்ர் அணை - 636401

நாள் : 17-08-2009 திங்கள் மதியம் 1.00மணி
இடம்: அனல் மின் நிலைய நுழைவு வாயில் முன்பு,

தலைமை : தோழர் அ. சக்திவேல்,
தலைவர், பெரியார் தொழிலாளர் கழகம்.

பெயர்பலகை திறந்து வைத்து சிறப்புரை

தோழர் கொளத்தூர் தா.செ.மணி,
தலைவர், பெரியார் திராவிடர் கழகம்.

உழைக்கும் தொழிலாளர்களே இணைவீர் பெரியார் தொழிலாளர் கழகத்தில்!

VIDEO: முடிந்துவிட்டதா ஈழப்போர்.....? - கொளத்தூர் த.செ.மணி

2009-08-15T05:37:00.001-07:00

முடிந்துவிட்டதா ஈழப்போர்...? - கொளத்தூர் மணி தூத்துக்குடி @ Yahoo! Video

முடிந்துவிட்டதா ஈழப்போர்....? - கொளத்தூர் மணி

2009-08-13T01:11:00.000-07:00

முடிந்துவிட்டதா ஈழப்போர் ? நெல்லை தூத்துக்குடியில் விளக்கக்கூட்டம்

செய்திகளை வெளியிட்ட சங்கதி , மீனகம் தளங்களுக்கு நன்றி.

மீனகம் தளத்தில் பெரியார் திராவிடர் கழகத்தலைவர் கொளத்தூர் மணி அவர்களின் முடிந்துவிட்டதா ஈழப்போர் உரையின் audio வெளியிடப்பட்டுள்ளது:

http://www.meenagam.org/?p=7674

தூத்துக்குடி மற்றும் திருநெல்வேலியில் கடந்த சனி மற்றும் ஞாயிறு இரண்டு நாட்களில் பெரியார் திராவிடர் கழகம் சார்பில் "முடிந்துவிட்டதா ஈழப்போர்..?" என்ற தலைப்பில் விளக்கப்பொதுக்கூட்டம் நடைபெற்றுள்ளது.

தூத்துக்குடியில் 08.08.2009 சனிக்கிழமை மாலை 6 மணியளவில் பெரியார் திராவிடர் கழக மாவட்டத்தலைவர் பொறிஞர் சி.அம்புரோசு தலைமையில் கழகப்பாடகர் தஞ்சை இராம.முத்துராமலிங்கம் தமிழின மற்றும் தமிழீழ எழுச்சிப்பாடல் பாட மேட்டூர் குமரப்பா தவில் வாசிக்க நிகழ்ச்சி தொடங்கியது.

பெரியார் திராவிடர் கழகத்தின் தலைவர் கொளத்தூர் தா.செ.மணி "முடிந்துவிட்டதா ஈழப்போர்...?" என்ற தலைப்பில் ஒரு மணி நேரத்துக்கும் மேலாக சிறப்புரையாற்றினார். நிகழ்ச்சி ஏற்பாடுகளை தலைமைக்கழக உறுப்பினர் பால்.பிரபாகரன், மாநகர துணைத்தலைவர் ச.ரவிசங்கர், மாநகர செயலாளர் பால்.அறிவழகன், மாநகர இணைச்செயலாளர் மு.கனகராசு, அறிவுபித்தன், மாவட்ட துணைச்செயலாளர் க.மதன், மாவட்டச்செயலாளர் கோ.அ.குமார், மாநகர பொருளாளர் வ.அகரன், மாவட்டப்பொருளாளர் செ.செல்லத்துரை, மாவட்ட அமைப்பாளர் ச.கா.பாலசுப்பிரமணியன் மற்றும் கழகத்தொண்டர்கள் சிறப்பாக செய்திருந்தனர்.

இதைப்போல் 09.08.2009 ஞாயிறு அன்று மாலை 6 மணியளவில் திருநெல்வேலி பாளையங்கோட்டை சந்தை திடலில் நெல்லை மாவட்டச்செயலாளர் சி.ஆ.காசிராசன் தலைமையில் "முடிந்துவிட்டதா ஈழப்போர்...?" விளக்க பொதுக்கூட்டம் நடைபெற்றது. நிகழ்ச்சி ஏற்பாடுகளை நெல்லை ராசா, தலைமைக்கழக உறுப்பினர் தூத்துக்குடி பால்.பிரபாகரன் மற்றும் தூத்துக்குடி திருநெல்வேலி பெரியார் திராவிடர் கழகத்தினர் இணைந்து சிறப்பாக நடத்தினர்.

தூத்துக்குடியில் முடிந்துவிட்டதா ஈழப்போர் விளக்கப்பொதுக்கூட்டம்

2009-08-08T19:20:00.001-07:00

சிறப்புரை :

கொளத்தூர் தா.செ.மணி, தலைவர் , பெரியார் திராவிடர் கழகம்.

தூத்துக்குடி பால்.பிரபாகரன், தலைமை செயற்குழு உறுப்பினர், பெரியார் திக.

தமிழீழ எழுச்சிப்பாடல் பாடுபவர் :
பகுத்தறிவு பாடகர் தஞ்சை இராம.முத்துராமலிங்கம், கழகப்பாடகர், பெரியார் திக

இன்று ஞாயிறு மாலை திருநெல்வேலி பாளையங்கோட்டை பாளை சந்தையில் முடிந்துவிட்டதா ஈழப்போர் விளக்கப்பொதுக்கூட்டம் நடைபெறவிருக்கிறது.

படங்கள் : பாலு நிழற்படக்கலையகம்

முடிந்துவிட்டதா ஈழபோர்? விளக்கப்பொதுக்கூட்டம் தூத்துக்குடி & திருநெல்வேலி

2009-08-07T06:20:00.000-07:00

முடிந்துவிட்டதா தமிழீழ விடுதலைப்போர்....?

விளக்கப்பொதுக்கூட்டம்

சனிக்கிழமை 08.08.2009 அன்று மாலை தூத்துக்குடி

இடம் : 1 ஆம் நுழைவாயில் , காந்திசிலை அருகில்,

ஞாயிறு 09.08.2009 மாலை பாளையங்கோட்டை

இடம் : பாளை சந்தை .

சிறப்புரை :

கொளத்தூர் தா.செ.மணி, தலைவர் , பெரியார் திராவிடர் கழகம்.

தூத்துக்குடி பால்.பிரபாகரன், தலைமை செயற்குழு உறுப்பினர், பெரியார் திக.

தமிழீழ எழுச்சிப்பாடல் பாடுபவர் :
பகுத்தறிவு பாடகர் தஞ்சை இராம.முத்துராமலிங்கம், கழகப்பாடகர், பெரியார் திக.

தமிழுணர்வாளர்கள் அனைவரும் கலந்துகொள்ள அழைக்கிறோம்.

இவண்

நெல்லை , தூத்துக்குடி மாவட்ட பெரியார் திராவிடர் கழகம்

புதுச்சேரி - தமிழின உணர்வாளர்கள் மீது தேசிய பாதுகாப்புச் சட்டத்தை ஏவிய தமிழக அரசை கண்டித்து வழக்கு நிதியளிப்பு பொதுக்கூட்டம்

2009-08-03T10:26:00.000-07:00

01.08.09 அன்று புதுச்சேரி பெரியார் திராவிடர் கழகம் சார்பாக “தமிழின உணர்வாளர்கள் மீது தேசிய பாதுகாப்புச் சட்டத்தை ஏவிய தமிழக அரசை கண்டித்து வழக்கு நிதியளிப்பு பொதுக்கூட்டம்” புதுவை பெரியார் திடலில் நடைபெற்றது. புதுச்சேரி பெரியார் திராவிடர் கழகத்தலைவர் லோகு அய்யப்பன். பெரியார் திராவிடர் கழகத் தலைவர் கொளத்தூர் மணி,இயக்குனர் சீமான் ஆகியோர் சிறப்புரையாற்றினர்.

லோகு அய்யப்பன் தனது உரையில் காங்கிரஸ் கட்சியின் தமிழின அழிப்புக்கு துணை போனதை கடுமையாக சாடினார். கழக தலைவர் கொளத்தூர் மணி அவர்களின் உரையில் கலைஞரின் முன்பு ஆதரித்ததை பின்பு அதனை ஆதரிக்க மறுப்பது மட்டுமல்லாது அதனை எதிர்கவும் செய்யும் அவரின் செயலை தோலுரித்துகாட்டி பேசினார்

இயக்குநர் சீமான் தனது எழுச்சி உரையில் இனவாத சிங்கள அரசுக்கு துணை போகும் இந்திய அரசை கடுமையாக சாடினார். சிங்கள அரசு தமிழர் பகுதிகளில் சிங்களர்களை குடியேற்றுவதற்காக வடக்கில் வசந்தம் என்ற பெயரில் மிகப் பெரிய தமிழின அழிப்பு நடவடிக்கையை துவக்கியுள்ளது.. இதற்கு இந்திய அரசு துணை போகிறது. இதற்காக வேளாண் விஞ்ஞானி(?) சாமிநாதன் என்பவரை ஆலோசகராக நியமித்துள்ளது. சீமான் பேச்சினிடையே மழை பெய்தது. எனினும் கொட்டும் மழையிலும் சீமானின் பேச்சை எந்தவொரு சிறு சலசலப்பு எதுமின்றி மக்கள் கொட்டும் மழையிலும் முழுமையாக நனைந்தபடியே உரையை கேட்டு தங்கள் இன உணர்வை வெளிப்படுத்தினர்.

முன்னதாக தேனிசை செல்லப்பாவால் இன உணர்வு பாடல்கள் எழுச்சியுடன் பாடப்பட்டன.

தே.பா.சட்டத்தில் கைது செய்யப்பட்ட கழக பொதுச்செயலாளர் விடுதலை

2009-08-01T07:31:00.000-07:00

ஈழத்தமிழர்களுக்கு எதிராக இந்திய இராணுவம் சிறிலங்கா அரசுக்கு ஆயுதம் கொண்டுபோவதாக கேள்விப்பட்டு ஆயுத தளவாட வாகனங்களை வழி மறித்து மறியல் செய்ததற்காக, தேசிய பாதுகாப்பு சட்டத்தில் கைது செய்யப்பட்ட, பெரியார் திராவிடர் கழகப் பொதுச்செயலாளர் கோவை கு.இராமகிருட்டிணனும், பெரியார் திராவிடர் கழக பெரம்பளூர் மாவட்டப் பொறுப்பாளர் லட்சுமணனும் இன்று விடுதலை ஆனார்கள்.

கோவை நடுவண் சிறையிலிருந்த அவர்களை இன்று காலை (01.08.2009) பெரியார் திராவிடர் கழக தலைமை செயற்குழு உறுப்பினர் வே.ஆறுச்சாமி தலைமையில் தமிழுணர்வாளர்கள் பலர் சிறை வாயிலில் திரண்டிருந்து எழுச்சியோடு வரவேற்றார்கள்.

சிறையிலிருந்து விடுதலை ஆன இருவரும் கோவை காந்திபுரத்தில் இருந்த தந்தை பெரியார் சிலைக்கு மாலை அணிவித்து பெரியார் படிப்பகம் சென்றனர்.

கட்சி அமைப்பு வேறுபாடின்றி அனைத்து தமிழுணர்வாளர்களும் சிறை வாயிலில் திரண்டிருந்தது பெரும் எழுச்சியை ஏற்படுத்தியிருந்தது.

பெரியார் திராவிடர் கழக பொதுச்செயலாளர் கு.இராமகிருட்டிணன் அவர்கள் ஈழத்துப்போராளிகளுக்கு உதவியதாக ஏற்கெனவே மூன்றரை ஆண்டுகளுக்கும் மேலாக சிறையில் இருந்தவர்.

இதர இணையங்களில் :

ஐபிசி தமிழ் இலண்டன்

மீனகம்

சிறிலங்காவிற்கு ஆயுதங்கள் கொண்டு சென்ற வாகனங்களை தாக்கிய தமிழுணர்வாளர்கள் இராமகிருட்டிணன் லெட்சுமணன் விடுதலை

பெரியாருக்கு இன்று விடுதலை

2009-07-27T05:08:00.000-07:00

பெரியாரை வணிகமாக்கியவர்களிடமிருந்து பெரியாரை விடுதலை செய்து மக்களிடம் கொண்டு செல்ல போராடிய பெரியார் திக வினருக்கு வெற்றி.

பரந்த மனப்பான்மையற்ற ( குறுகிய புத்தியுடைய ) வீரமணி திகவினரிடமிருந்து பெரியாரை விடுதலை செய்ய போராடிய பெரியார் திகவினருக்கு பெரியாரின் குடியரசை விடுதலை செய்ய நீதிமன்றம் அனுமதி வழங்கியுள்ளது.

சென்ற வாரம் பெரியார் திகவினரின் "இனி என்ன செய்யப்போகிறோம்?" குறுந்தகட்டினை வெளியிட நீதிமன்றம் அனுமதி வழங்கியுள்ளது குறிப்பிடத்தக்கது.

பெரியார் திராவிடர் கழகம் தமிழ்மக்களின் விடுதலை நோக்கி பெரியாரின் பாதையில்...........